ကြို့ထိုးခြင်း သက်သာစေသော နည်းလမ်းများ

ကြို့ထိုးတာကို လူတိုင်းနီးပါး ကြုံဖူးကြမှာပါ။ ရောဂါကြီးကြီးမားမား မဟုတ်ပေမယ့် သင့်ကို စိတ်အနှောင့်အယှက် ဖြစ်စေ
ပါတယ်။  ဒါကြောင့် ကြို့ထိုးတဲ့အခါ အောက်ပါနည်း ၁၃ နည်းထဲက သင်နဲ့ သင့်တော်ရာ တစ်နည်းနည်းကို လုပ်ဆောင်
ကြည့်ပါ။

(၁) အချိုစားပါ

ပါးစပ်ထဲမှာရှိတဲ့  အာရုံကြောတွေက  အချိုဓာတ်ကို  ရရှိတာကြောင့်  ကြို့ထိုးတာ သက်သာ သွားစေပါတယ်။ သကြား
တစ်ဇွန်းကို ယူပြီး လျှာအရင်းမှာ တင်ထားပြီး အချိုအရသာကို စိတ်နဲ့ ခံစားပေးပါ။

(၂) နားထဲ လက်ချောင်းထည့်ပါ

နားထဲကို သင့်လက်ချောင်းလေး ထည့်ပေးတာက ကြို့ထိုးတာကို သက်သာစေပါတယ်။ ဦးနှောက်ကလာတဲ့ အာရုံကြော
နံပါတ်(၁၀) က အကြားအာရုံ အဖွဲ့အစည်းထဲကို ရောက်ပါတယ်။ နားထဲကို လက်ချောင်းထည့်ပြီး အာရုံကြော အဆုံးပိုင်း
ကို နှိုးဆွပေး တာကြောင့် ကြို့ထိုးတာကို သက်သာစေတာပါ။ ညင်ညင်သာသာ ဆောင်ရွက်ဖို့တော့ လိုပါတယ်။
(၃) ရုတ်တရက် ထိတ်လန့်အောင်လုပ်ပါ

သင်ကြို့ထိုးနေချိန်မှာ ရုတ်တရက် အံ့သြစရာတွေ့တာ၊ လန့်သွားတာတွေက ကြို့ထိုးတာကို ရပ်တန့်စေပါတယ်။

(၄) ရေများများသောက်ပါ

ရေကို အသက်မရှူဘဲ ဆက်တိုက် သောက်လိုက်တာကြောင့် ကြို့ထိုးတဲ့ ဖြစ်စဉ်ကို ဟန့်တားပေးပါတယ်။ အကောင်းဆုံးကတော့ ရေတစ်ခွက်ကို နှာခေါင်းပိတ်သောက်လိုက်ရင် ချက်ချင်းသက်သာသွားမှာကို တွေ့ရမှာဖြစ်ပါတယ်..။

(၅) လျှာကို ဆွဲထားပါ

ကြို့ထိုးနေချိန်မှာ သင့်လျှာကို ပါးစပ်အပြင်ထုတ်ပြီး လက်နဲ့ ဆွဲထားတာကလည်း ကြို့ထိုးတာကို ရပ်တန့်သွားစေ
ပါတယ်။

(၆) သင့်အာခေါင်ကို နှိုးဆွပေးပါ

ဂွမ်းစအနည်းငယ်ကို သင့်အာခေါင်နားမှာ ထားပေးပါက ကြို့ထိုးတာကို ရပ်တန့်စေပါတယ်။

(၇) အသက်ရှူ အောင့်ထားပါ

သင့်နှာခေါင်းနဲ့ ပါးစပ်ကို ပိတ်ပြီး ရေထဲကို ခုန်ဆင်းသလိုမျိုး ခဏတာ အသက်ရှူအောင့်ထားပေးပါ။ ကြို့ထိုးတာ
ရပ်တန့်သွားစေပါတယ်။


(၈) စက္ကူအိတ်တစ်ခုနဲ့ ပါးစပ်ဟပြီး အသက်ရှူပါ

စက္ကူအိတ်တစ်လုံးကို ပါးစပ်အဝမှာ ပိတ်ပြီး အသက်ရှူသွင်း၊ ရှူထုတ်လုပ်ပါ။ စက္ကူအိတ်ထဲမှာ သင်ရှူထုတ်လိုက်တဲ့
ကာဗွန်ဒိုင်အောက်ဆိုဒ်ကို ပြန်ရှူမိတာကြောင့် သွေးတွင်း ကာဗွန်ဒိုင်အောက်ဆိုဒ် ပမာဏ များလာစေပြီး ကြို့ထိုးတာ
ကို ရပ်တန့်စေပါတယ်။


(၉) လေဆေးသောက်ပါ

မဂ္ဂနီဆီယမ်ပါဝင်တဲ့ လေဆေးသောက်ပေးတာက ကြို့ထိုးတာကို ပျောက်ကင်းစေပါတယ်။ မဂ္ဂနီဆီယမ်က အာရုံကြော
 နှိုးဆွမှုတွေကို လျော့နည်းစေတာကြောင့်ပါ။ မဂ္ဂနီဆီယမ် ပါဝင်တဲ့ လေဆေးတစ်ပြား ဒါမှမဟုတ် နှစ်ပြားကို ဝါးစားပါ။


(၁၀) အစာကို ဖြည်းဖြည်း စားပါ

အစာကို မြန်မြန်စားတတ်သူတွေဟာ အစာကို ကြေညက်အောင် မဝါးဘဲ မျိုချတတ်ကြပါတယ်။ အစာကို မြန်မြန်စားတာ
က လေတွေ ခိုအောင်းနေစေပြီး ကြို့ထိုးတာကို ဖြစ်စေပါတယ်။


(၁၁) အစားအလွန်အကျွံစားတာကို လျှော့ပါ

အစာကို အလွန်အကျွံ စားတာကြောင့် အစာအိမ်ထဲမှာ အစာတွေ ပြည့်ကျပ်ပြီး ကြို့ထိုးတာကို ဖြစ်စေပါတယ်။ ဒါကြောင့် အစာလျှော့စားတာက ကြို့ထိုးတာ မဖြစ်အောင် ကာကွယ်ပြီးသား ဖြစ်ပါတယ်။


(၁၂) အစပ်များသော အစာများကို ရှောင်ပါ

အစပ်များတဲ့ တချို့အစားအစာတွေက အစာရေမျိုနဲ့ အစာအိမ်နံရံတွေကို နှိုးဆွတာကြောင့် အစာအိမ်ထဲမှ အက်စစ်တွေ
အပေါ်ကို ဆန်တက်လာတတ်ပါတယ်။ အစာရေမျိုဆီကို အက်စစ်တွေ ဆန်တက်လာက ကြို့ထိုးတာကို ဖြစ်စေပါတယ်။

(၁၃) အရက်လျှော့သောက်ပါ

အရက်အလွန်အကျွံသောက်တာက အစာအိမ်နဲ့ အူလမ်းကြောင်းရဲ့ အတွင်းနံရံတွေကို ပျက်စီးစေပါတယ်။ အရက်ကို
များများနဲ့ မြန်မြန်သောက်တာက ရုတ်တရက်  အစာမကြေတာကို  ဖြစ်စေပါတယ်။  အရက်က  အစာအိမ်နဲ့ အူလမ်း
ကြောင်းကို နှိုးဆွတာကြောင့် အစာရေမျို ရုတ်တရက် ကျယ်သွားပြီး ကြို့ထိုးတာကို ဖြစ်စေလို့ပါ။

ရွှေမြန်မာဥယျာဉ်မှ တေးအလင်္ကာရေးသားထားသည်ကို ပြန်လည်မျှဝေလိုက်ခြင်း ဖြစ်ပါသည်။ မူရင်းပိုစ့်တင်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးအထူးတင်ရှိပါသည်။

                                                                                      ရဲရင့်ကိုကို

သုညနှင့်ကိန်းဂဏန်းများ (၀တ္တုတို)

 

သူငယ်ချင်းတို့ရေ.. စာရိုက်ဖို့အချိန်မပေးနိုင်လို့ စကင်န်ဖတ်ပြီး တင်ပေးလိုက်ပါတယ်.. ကွန်နရှင်ကလည်း ကျနေလို့ ဒီပို့စ်တစ်ခုတည်းနဲ့ တစ်နေကုန်သွားတာပါပဲ..။ သူငယ်ချင်းတို့ မမြင်ရရင် ctrl နဲ့ + ကိုတွဲနှိပ်ပြီး ကြည့်နိုင်ပါတယ်။ 

 

  

 

 

 

 

  ကျေးဇူးအထူးတင်ရှိပါတယ်ဗျား..။

ရဲရင့်ကိုကို 

ပို့စ်မော်ဒန် ခိုးရာလိုက်နည်း (၀တ္တုတို)

ရှူး…ရှူး…ရှူး…ရှူး…(ပန်းပဲလုပ်ငန်းမှ ဖားဖို မြည်သံ)

အပူ ဒီဂရီ ၁၅၀၀ မှ ၂၃၀၀ ဖာရင်ဟိုက် နားမှာ ပန်းပဲလုပ်သားများ ပင်ပန်းကြီးစွာလုပ်နေကြသည်။ သို့သော်… ဖားဖိုနဲ့ ခပ်ဝေးဝေး လုပ်ငန်းခွင် တစ်နေရာမှာတော့ ချစ်သူနှစ်ဦး။

“တော့်ကို ပြောရဦးမယ်ကိုရင်၊ မနေ့က လပြည့်ကျော်တစ်ရက် သူခိုးကြီးည မဟုတ်လား…ကျုပ်တို့ အိမ်ဘေးက မိတင်ဟန်ကို မြောက်ပိုင်းက သာလှ ခိုးသွားတဲ့ သတင်းကြားပြီပြီလား”

“သူများ ခိုးရာလိုက်တာ အရေးမကြီးပါဘူး အေးမြရာ၊ ကျုပ်တို့ နှစ်ယောက် ခိုးရာလိုက်ဖို့ပဲ ကျန်တော့တယ်”

“အို….ဒါတော့ မလွယ်ဘူးတော်ရေ့၊ ကျုပ်ကိုတောင် အဘက အပြင်ပေးမထွက်တာ တော်လည်းအသိ၊ တစ် နေ့တစ်နေ့ ဟိုး… တောင်ပိုင်းက ဒွေးလေးသမီး၊ ကလေးလေးတွေနဲ့ပဲ မကြီးမငယ်ဆော့နေရတယ်”

“ကျုပ်ကြံရင်ဖြစ်ပါတယ်၊ အခုတောင် အေးမြတို့ခြံထဲဝင်ပြီး စကားလာပြောသေးတာပဲ”

“ဒါဖြင့် ကြံစမ်းပါဦး…ကျုပ်တို့နီးစပ်ဖို့”

ကိုရင်စံတင်က ခေါင်းပေါ်လက်ဝါးအုပ်ကာ ငှက်ပျောသီးတစ်လုံးကို အခွံတစ်နွှာခန့် စဉ်းစားသည်။

“အယ်…ကျုပ် သိပြီ”

အေးမြနားကို ဖွဖွလေးဆွဲပြီး သူ့ပါးစပ်က ပွစိပွစိပြောလိုက်သည်။ အေးမြက အာရုံစိုက်ပြီး နားထောင်နေသည်။ ကိုရင်စံတင့်က အေးမြနားကို မကိုက်မိရုံတမယ် တိုးတိုး…တိုးတိုး။ အေးမြက ခေါင်းတညိတ်ညိတ်။

“ဟေ့ကောင်”

နှစ်ဦးလုံး လန့်ဖျပ်သွားသည်။

အေးမြက ရင်ဘတ်ကို လက်နှစ်ဖက်ဖိ၊ မျက်လုံးပြူးလျက်။ ကိုရင်စံတင့်က လက်တစ်ဖက်ဖြင့် သူ့ပါးစပ်ကို ပိတ်၊ နောက်လက်တစ်ဖက်ဖြင့် အေးမြဖခင်ကြီးကို လက်ညှိုးထိုးလျက်။

“မင်း…မင်း…ကျုပ်သမီးကို ဘာလုပ်တာတုံး”

“နားယားတယ်ဆိုလို့ ကိုက်ဆွဲပေးမလို့”

“ဘာ”

“အဲ…ယောင်သွားလို့၊ ဘာမှမလုပ်ဘူး ပြောမလို့ပါ ဖခင်”

“ဘာကွ..ဘယ်လိုခေါ်ဒယ်၊ ဘယ်လိုခေါ်လိုက်ဒယ်”

အေးမြ ဖခင် ပန်းပဲလုပ်ငန်းပိုင်ရှင်ဖို သူကြီး ဦးရွှေတိုးမှ ဒေါသထွက်လွန်း၍ စကားတောင်မပီရှာတော့။

“မှားသွားလို့ပါ  ဦးကြီးရာ၊ စိတ်ကိုလျှော့ပါ။ စိတ်လျှော့ဘာ”

“နို့နေပါဦး၊ မင်း ကျုပ်ခြံထဲကို ဘာလာလုပ်တာတုန်း၊ ဘယ်တော့မှ မလာပါနဲ့…ကျုပ်သမီးနဲ့ အဆက်အသွယ် မလုပ်ပါနဲ့လို့ပြောထားတာ မေ့ကရောလား ကိုရင်”

အဲဒီတော့မှ ကိုရင်စံတင့်လည်း မျက်စိမျက်နှာပျက် ( ပျက်စီးသွားတာမဟုတ်ပါ၊ ညှိုးကျသွားခြင်း) သွားပြီး။…

“ကျုပ်..ဓား လာအပ်တာပါ”

အလုပ်ကိစ္စလာသည်ဟုပြော၍ ဒေါသကိုလျှော့၊ သမီးဖြစ်သူကို အိမ်ထဲဝင်ဖို့ မျက်ရိပ်မျက်ကဲပြရင်း။

“ပေးလေ၊ အထည်ကြမ်း..”

“ဟင့်အင်း၊ မပါဘူးခင်ဗျ၊ ဦးကြီးတို့ ပန်းပဲဖိုကပဲ သင့်တော်ရာ သံထည်နဲ့ လိုက်ပေးစေလိုပါတယ်”

“ကောင်းပြီလေ၊ ဘယ်လို ဓားမျိုးလုပ်ပေးရမှာလဲ၊ စပေါ်ငွေကရော ဘယ်လောက်ပေးထားမလဲ”

“ငွေ အကျေချေပေးမှာပါ၊ လုပ်မှာကတော့ ငှက်ကြီးတောင်ဓား၊ ခြောက်လက်မအရှည်လောက်”

“ဘာကွ ငှက်ကြီးတောင် ခြောက်လက်မအရှည်…ဟုတ်လား၊ မင်း ရူးနေပြီလား…နာမည်တစ်လုံး နဲ့နေတဲ့ ဦးရွှေတိုးကို နာမည်လာ ဖျက်တာလား”

ဦးရွှေတိုး ဒေါသူပုန်ထကာ ပန်းပဲဖိုမှာ စီထားသော ဓားတန်းကြီးကို လှမ်းကြည့်လိုက်သည်။ ကိုရင်စံတင့် ကပျာကယာ တောင်းပန်လိုက်ရ၏။

“ကျုပ်က ဦးကြီးကို အထင်ကြီးလို့တမင် ဒီလိုဓားမျိုးလာအပ်တာပါ။အေးသာယာရွာမှာ ဦးရွှေတိုးတစ်ယောက် တည်းပိုင်တဲ့ ဟောဒီပန်းပဲဖိုကြီးမှာပဲ ဒီလိုဓားမျိုး အပ်လို့ရမယ်ထင်လို့ပါ။ ရပါတယ်…ဦးကြီး မလုပ်ပေးတတ်ဘူး ဆိုလည်း…”

“တော်…တိတ်၊ ကျုပ်လုပ်လို့မရတဲ့ ဓားဆိုတာ မရှိဘူး၊ ကျုပ်က နာမည်တစ်လုံးနဲ့ နေလာတဲ့ ဖိုသူကြီး ဦးရွှေတိုးပဲ။ ကျုပ်တို့က ဒီလုပ်ငန်းကို ဆွေးခုနစ်ဆက်၊ မျိုးခုနစ်ဆက် တင်မကဘူး၊ ဟိုး…ရှေးအဆက်ဆက်ကတည်း က လုပ်လာတာ၊ မောင်ရင်တုိ့လို သာမန်လူအတွက် တင်မဟုတ်ဘူး၊ ရှင်ဘုရင်ကတောင် ကျုပ်ဘိုးဘေးတွေလုပ်ပေး တဲ့ ဓားကို သဘောကျတော်မူပြီး ဘုရင်အဆက်ဆက်ကိုင်တဲ့ သန်လျက်အတွက် ကျုပ်တို့အမျိုးတွေက တာဝန်ယူလုပ် ပေးခဲ့ရတာ…”

ကိုရင်စံတင့် မျက်လုံး ကလယ်ကလယ်နဲ့ ယောက္ခမလောင်းကြီးရဲ့ ကြွားလုံးတွေကို နားမထောင်ချင့် ထောင်ချင်နဲ့ နားထောင်နေမိသည်။

“ရှေးခေတ်ကဆို နန်းတွင်းမှာပဲ ပန်းပဲဖိုထားရတာကွယ့်၊ အပြင်မှာထားရင် သောင်းကျန်းသူတွေဟာ ဖိုသူကြီး တွေနဲ့ပေါင်းပြီး ဘုရင်ကို ပုန်ကန်နိုင်တာကိုး၊ အဲဒီတုန်းက ကျုပ်တို့ ဘိုးဘေးတွေဟာ မောင်ရင်တုိ့လို သာမန် အရပ် သား သုံးဓားတင်မကဘူး၊ အိမ်ရှေ့မင်း…သားတော်မြေးတော် ညီတော်တွေ၊ မင်းသား၊ အတွင်းဝန်၊ ၀န်မှူးကိုင်တဲ့ ဓား တွေကို လုပ်ပေးခဲ့ရတာ။ ဒါ့ပြင် ဆေးဓား၊ အင်းဓား၊ အရပ်သုံးဓား၊ နန်းစဉ်ဓား တွေကိုပါ အမှားအယွင်းမရှိလုပ်ပေးနိုင်ခဲ့ တာ။ မီးအပူအနည်းအများကွာသွားလို့ ဓားတုံးတာတို့ ပဲ့သွားတာတို့ ဘယ်တုန်းကမှ မဖြစ်ဘူးကွယ့်…”

“ဟုတ်ကဲ့ခင်ဗျ”

“ရှိသေးတယ် မောင်ရင်၊ တရုတ်ကြီးခြောက်ယောက်မတာနည်းနည်းမှ မကြွတဲ့ မောင်ပေါက်ကျိုင်းက နဂါးကို ခုတ်တဲ့ဓား ကြားဖူးတယ်မဟုတ်လား”

“ဦးကြီးလုပ်ပေးလိုက်တာလား”

“အင်း…မဟုတ်ဘူး၊ ဒါပေမဲ့ အဲဒီဖိုသူကြီးက ကျုပ်အဘိုးရဲ့ အဘေးရဲ့ အဖေရဲ့ အစ်ကို ၀မ်းကွဲတော် တယ်…”

“အဟီး…ဆွေမျိုးနီးတယ်နော်…ကျုပ်ဦးကြီးရဲ့ အစွမ်းအစကို ယုံပါပြီ။ မနက်ဖြန် မနက်ခင်းမှာ ဓားလာယူပါ့မယ် ခင်ဗျ၊ ဒီလုပ်ငန်းတာဝန်ခံ ကိုရင်မိုးမှောင်ဆီမှာ ငွေချေပြီး ပြန်လိုက်ပါဦးမယ်”

“အိမ်း…ကောင်းပြီလေ၊ နို့ပေတဲ့…မောင်ရင့်ကို ကျုပ်အရည်အချင်းတွေမပြောပြရသေးဘူးကွယ့်၊ မီးညွန့်နဲ့မီး အမျိုးအစားကို သိရုံနဲ့ အပူချိန် ဒီကလီ ဖျာလင်ဟိုက်…”

“အပူချိန် ဒီဂရီ ဖာရင်ဟိုက်ပါခင်ဗျ”

“အေး အဲဒါ ဘယ်လောက်ရှိတယ်ဆိုတာရယ်၊ ယောက်ျာဓားသွေး မိန်းမသားမွေး ဆိုတဲ့ စကားပုံမှာပါတဲ့ ယောက်ျား ဓားသွေးရဲ့ အဓိပ္ပာယ်ဟာ ဘယ်လိုဆိုတာရယ်…၊ နောက်ပြီးတော့…”

“ကျုပ် နောက်မှ လာနားထောင်ပါ့မယ် ဦးကြီး၊ အခု ဓားလာအပ်တာကလည်း ယောက်ျား ဓားသွေး မိန်းမသား မွေး စကားပုံနဲ့ မဆက်စပ်ပေမယ့် မိန်းမခိုးရင် ရန်သူကို ကာကွယ်ဖို့ ဓားလာအပ်တာပါ…”

“အိမ်း…”

ကိုရင်စံတင့်ဆက်နားမထောင်တော့။

ဓားဖိုးကျသင့်သလောက် ကိုရင်မိုးမှောင်ဆီမှာ သွားပေးကာ တစ်ချိုးတည်းလစ်လာခဲ့သည်။

———————-။——————–။—————————-

(၂)

“ခွေးမ၊ အေးမြ…လာခဲ့စမ်း”

“ကဲ့…၊ လာပြီ အဘ”

အေးမြရောက်လာသည်။ နောက်က ဆယ့်နှစ်နှစ်အရွယ် ကလေးသုံးယောက်ပါလာသည်။

“ပြောစမ်း၊ အဲဒီကောင် ဘာလာလုပ်တာလဲ”

“ဓားလာအပ်တာလေ အဘရဲ့၊ အဘတောင် ဆွေခုနစ်ဆက် မျိုးခုနစ်ဆက် ဓားအကြောင်းကြွားလိုက်သေး တယ်မဟုတ်လား”

“အမှန်ကိုပြောတာလေ။ ငါတုိ့အမျိုး ဓားအကြောင်း ဘယ်လောက်ကျွမ်းကျင်တယ်ဆိုတာပြောပြတာ အဲဒါမှ ဓားကြောက်ပြီး အနားမကပ်ရဲမှာ။ အော် …နင်ကခိုးနားထောင်တယ်ပေါ့လေ…ဘယ်နည်းနဲ့မှ သွေးမရိုးပေဘူး၊ အမှန် ကိုသာပြော…လိမ်မယ်မကြံနဲ့၊ ဖိုသူကြီး ဦးရွှေတိုးတဲ့…. နာမည်တစ်လုံးနဲ့နေတာ…”

“ကဲ့…မီး မလိမ်ပါဘူး”

“ဘာ…ဘယ်က “မီး”လဲ၊ ဘယ်က “ကဲ့”လဲ”

“ဟို..ဟိုဖက်ဝိုင်းက မြို့ကပြန်လာတဲ့ စံပါယ်တင် ပြောသံကြားလို့ ပြောကြည့်တာ သူ့ကိုယ်သူ “မီး” တဲ့၊ မြို့မှ အဲဒီလို ပြောတာတဲ့၊ “ဟုတ်ကဲ့” ကိုလည်း အဖျားဆွတ်ပြီး “ဟုတ်” တစ်လုံးတည်းပြောတာတဲ့။ အဲ့တာကို မီးက  သူတို့ ပြောသလို ဟုတ်လို့မပြောချင်လို့ “ကဲ့”လို့ပြောကြည့်တာ…”

“အရူးမ၊ ကဲ…ငါမေးတာဖြေစမ်းပါ။ ဖြေစမ်းဘာ…”

ဒေါသ ထွက်ပြီ။

“ဟိုဟို…ကိုရင်စံတင့်လေ…မီးဆီကို အတင်းလာပြောတာ အဘရဲ့၊ သာလှနဲ့ မိတင်ဟန် ခိုးပြေးသွားတဲ့ အကြောင်းပေါ့၊ သူများကြားမှာ စိုးလို့တိုးတိုးကပ်ပြောတာ”

“အော်…ဒီအကောင်က ယောက်ျားပီပီအတင်းပြောတယ်ပေါ့လေ၊ သည်းကပြောလိုက်ပါလား သာလှနဲ့ မိတင် ဟန် တင်မဟုတ်ဘူး၊ ကရင်လေးဖိုးခွားနဲ့ မုဆိုးမသမီး ညိုတိုတိုနဲ့ ခိုးရာလိုက်သွားတာ ညသန်းခေါင်ကျော်၊ ကုလား ပြုံးချိုက ကုလားမချာလီနဲ့ ခိုးပြေးသွားတာက နာရီပြန်နှစ်ချက်၊ အပျိုကြီးသောင်းတင်က ခပ်ဆန်းဆန်းလေးဖြစ် အောင်သူနဲ့ နာမည်တူတဲ့ လူပျိုကြီး ဦးသောင်းတင်နဲ့ ခိုးရာလိုက်သွားတာက အရုဏ်တက်မှာ…အဲဒါတွေ သူမိဘူး မဟုတ်လား”

“ကဲ့…မီးတောင် မသိဘူး၊ အဘက ဘယ်လိုသိ…”

“ဖိုသူကြီး ဦးရွှေတိုးလေ၊ နာမည်တစ်လုံးနဲ့နေတာ၊ အေးသာယာရွာရဲ့ ဖြစ်စဉ်အဆန်းဆို ငါသိတာပေါ့၊ သာလှ နဲ့ မိတင်ဟန်က မနက်မှာ ဟိုဖက်ရွာက အပြန်မှာ လူချင်းတွေ့ပြီး ကြိုက်ပြီး ညခိုးရာလိုက်သွားတာ၊ ဖိုးခွားက လပြည့်ကျော်နေ့မှာ လှေတစ်စီးနဲ့ ငါးရှာထွက်ရင်း အိမ်က လင်ပေးစားလို့ စိတ်ညစ်ညစ်နဲ့ ရေထဲခုန်ချပြီး သေကြောင်းကြံမလို့ လုပ်နေတဲ့ ညိုတိုတို ကို ကယ်ရင်း အဲဒီမှာတင်  ခိုးရာလိုက်ဖြစ်သွားတာ၊ ကုလားပြုံးချိုက သူ့ သူ ငယ်ချင်းအတွက် ကုလားမ ချာလီကို ခိုးပေးရာကနေ သူငယ်ချင်းမလာဖြစ်လို့ သူပဲခိုးလိုက်ရတာ…”

“သိလည်းသိပါ့ အဘရယ်၊ မီးတောင် လိုက်ချင်လာပြီ”

“အေး….နင်သာ အဲဒီလို ခိုးရာလိုက်လို့ကတော့….ငါ့ဓားတွေနဲ့ နှစ်ကောင်လုံး ခုတ်သတ်ပစ်မှာ၊ နင့်အရွယ် ခိုးရာလိုက်ရမယ့် အရွယ် မဟုတ်သေးဘူး၊ အဲဒီမှာ…ကလေးတွေနဲ့ဆော့…”

ကောင်မလေးချည်းသုံးယောက်။

အေးမြရဲ့ ကစားဖော်ကစားဖက်တွေ။ အိုးပုတ်လုပ်တမ်း၊ တုတ်ဆီးထိုးတမ်း၊ တီထိုးတမ်း၊ ကုလားမစည်းနင်း၊ သားရေကွင်းခုန်(သားရေပင်ကို အရှည်ကြီးဆက်၍ကြိုးတန်းလုပ်ပြီးခုန်သော ကစားနည်း)၊ ထမင်းချက်တမ်း အကုန် ကစားသည်။ အေးမြကို ကလေးအရွယ်ဟု ဖခင်ဖြစ်သူကထင်နေသည်။ တကယ်ဆို အေးမြက ကလေးလားလားမျှ မဟုတ်။ကိုရင်စံတင့်နဲ့တောင်ခိုးရာလိုက်ဖို့ ချိန်းပြီးပြီ။ မနက်ဖြန်ည အုန်းမောင်းရှစ်ချက်ခေါက်ချိန်။

“နေညိုရင် ကလေးတွေကို ရေချိုးထမင်းစားဖို့ ပြန်လွှတ်လိုက်၊ဒီည လသာတော့ ကစားချင်ကစားဖို့ ပြန်လာရင် လာခိုင်းလိုက်”

“ကဲ့…အဘ၊ မီး သိပါတယ်”

အဘ ထွက်သွားသည်။

မီးနဲ့ ကစားဖော်တွေ ကျန်ခဲ့၏။

———————-။——————–။—————————-

(၃)

ရွာဦး ဘုန်းကြီးကျောင်ဆီမှ အုန်းမောင်း ခုနစ်ချက်။

လသာနေသည်။ ဖိုသူကြီးရဲ့ အိမ်ရှေ့မြေကွက်လပ်မှာ စိုပြေလျက်။ အေးမြနဲ့ ကလေးငယ်သုံးဦး တီထိုးတမ်း ကစားနေသည်။ ဦးရွှေတိုးနဲ့ ဇနီးဖြစ်သူတို့သည်လက်ဖက်ပွဲအကျအနတည်ခင်းလျက်သမီးဖြစ်သူတို့ ကစားပုံကို ကြည့်နေသည်။ ဦးရွှေတိုးသည် သမီးဖြစ်သူကို အိမ်ထဲမှ အိမ်ပြင်ပေးထွက်သူမဟုတ်။ အကယ်၍  ထွက်ခဲ့ရင်လည်း သူကိုယ်တိုင် အနားမှကပ်၍ပါတတ်သည်။ အဲသည်ကြားကပင် ရည်းစားရဖြစ်အောင် ရလိုက်သည့်သမီးကို အရင်က ထက်ပိုပြီးတင်းကျပ်ရတော့သည်။ ဆွေမျိုးထဲမှ ကလေးသုံးဦးခေါ်ကာ အချိန်ပြည့် ကစားစေသည်။ (ရည်းစားထားတဲ့ စိတ်ပျောက်ပြီး ကလေးစိတ်ဝင်ပါစေကြောင်း)

“ဟေး…မိပြီ၊ မကြီး အေးမြနဲ့ တင်တင်နဲ့ လိုက်ခလှည့်”

အေးမြနဲ့ တင်တင်က တစ်ဖက်။ စာဥနဲ့ သန်းအေးက တစ်ဖက် (စည်းဝိုင်းနှစ်ဝိုင်းမှာ တစ်ဖွဲ့ တစ်ဝိုင်းစီနေပြီး လိုက်ရမည့်အဖွဲ့မှ ထွက်ပြေးတာကို လိုက်ဖမ်းသည်။ စည်းဝိုင်းအပြင်ဖက်ရောက်သူတိုင်းကို “တီ” ဟု အော်သူက ဖမ်း ခွင့်ရှိသည်။ အားလုံသိသည့်ကစားနည်းမို့ အကျယ်ချဲ့ မရေးတော့ပါ)။အေးမြ ခိုးရာလိုက်ဖို့ အချိန် နောက်ကျနေမည်။

“အေး…ဒီတစ်ခါ မကြီးအေးမြလိုက်မယ်၊ စာဥနဲ့ သန်းသန်းကပြေး၊ ဒါပေမဲ့ စည်းဝိုင်းအတွင်းကို ပြန်မ၀င်နဲ့ တော့…မကြီးအေးမြလေ…”

အေးမြပြောတာကိုကလေးတွေ အာရုံစိုက်နားထောင်ရသည်။ အေးမြက သူတုိ့ကြားရုံလောက်ပဲ တိုးတိုးလေး ပြောတာကိုး။ ကလေးတွေ သဘောပေါက် ခေါင်းညိတ်သည်။

ကဲ…တီထိုးပွဲစပြန်ပြီ။

မရှင်းမှာစို၍ နည်းနည်း ရေးပါရစေ။ အေးမြက “တီလို့ အသံရှည်ကြီးနဲ့ အော်တဲ့အခါ တစ်ဖက်စည်းဝိုင်က စာဥ နဲ့ သန်းအေးတို့ စည်းပြင်ထွက်ပြီး ပြေးရမှာ။ အဲဒီအချိန်မှာ ပါးစပ်က တီ အော်သံကြီးနဲ့ အတိုင်း စာဥနဲ့ သန်းအေးကို အေးမြက လိုက်ဖမ်းရမှာ။ အော်သံ ပြတ်သွားရင်အေးမြအရှုံး။ စာဥနဲ့ သန်းအေးကတော့ အေးမြလိုက်တာ မပြေးနိုင် ရင် (မောနေရင်) စည်းဝိုင်းထဲ ပြန်နားခွင့်ရှိသည်။

ဒါပေမဲ့….အခုပွဲကတော့ နည်းနည်းဆန်းသည်။

အေးမြက “တီ” လို့ အော်လိုက်တာနဲ့ စာဥတို့ ပြေးသည်။ ပြေးတာမှ တော်တော့်ကို ပြေးတာ။ ရွာရဲ့ အရှေ့ဖက် စူးစူးဆီကို ဖနောင့်နဲ့ တင်ပါးတစ်သားတည်းကျအောင် ပြေးတာ။ အေးမြကလည်း အသည်းအသန်လိုက် တာပေါ့။

ဖိုးသူကြီး ဦးရွှေတိုးကလည်း ကြည့်ပြီးသဘောတွေကျလို့။ သူ့သမီး “တီ”လို့ အသံရှည်ဆွဲပြီး ပြေးတာကို သဘောကျတာ။ သမီးက ပြောထားတယ်လေ…ဒီနေ့ ဖျားချင်သလို ဖြစ်ပြိး ချွေးတွေ သိပ်မထွက်ဘူးတဲ့။ အဲဒါကြောင့် …အင်္ကျီသုံးထပ်၊ ထမီသုံးထပ်ဆင့်ဝတ်ကာ ချွေးထွက်အောင် ပြေးကစားတာ။ ပြေးပါစေ…ဒါမှ ချွေးထွက်မှာ ။

ဘယ်လောက်တောင်ပြေးကြသလဲမသိ၊

တော်ရုံနဲ့ ပြန်မလာကြပါ။

အဲ…ကွမ်းတစ်ယာညက်ခန့်ကြာတော့ ပြန်လာကြသည်။ စာဥနဲ့သန်းအေး၊ အေးမြပါမလာ။ ဒီတော့မှ ဦးရွှေတိုး ရင်ထဲ ထိတ်ခနဲ ဖြစ်သွားတာပေ့ါ။

“ဟဲ့…ညည်းတို့ မကြီးအေးမြရော”

တော်ရုံနဲ့မဖြေ။

ခေါင်းပဲခါသည်။ ဦးရွှေတိုး စိတ်မရှည်တော့။

ဘာဖြစ်လာတာလဲ…ငါဒေါသထွက်လာပြီနော်…မေးတာဖြေလေ..အေးမြဘယ်ရောက်သွားလဲ”

“ဟို..လေ”

စာဥခေါင်းကုတ်ကာပြောသင့်မပြောသင့်စဉ်းစားတုန်း….

“ကဲဟာ”

ဂေါက်ခနဲ ကြားလိုက်သည်။ စာဥမျက်နှာ ငိုမဲ့မဲ့ ဖြစ်သွားသည်။

“မဖြေသေးဘူးလား”

“ဖြေပါ့မယ်၊ မကြီးအေးမြကို လူတစ်ယောက်ခေါ်သွားတယ်”

“ဟင်…ဘယ်ကိုလဲ…ဘယ်ကလူလဲ…နင်တို့မတားဘူးလား”

“တားလို့မရဘူး ဘကြီးတိုးရဲ့ ၊ မကြီးအေးမြကိုက လိုလိုချင်ချင်လိုက်သွားတာ၊ စာဥတုိ့လည်းအတင်း မတားရဲဘူး၊ ကြောက်တယ်၊ ဟိုလူ့လက်ထဲမှာ ဓားကြီးနဲ့”

“ဓား…ဟုတ်လား”

“ဟုတ်တယ်…ငှက်ကြီးတောင်ဓား သေးသေးလေး၊ လူထိုးလို့လည်းရတယ်၊ ခုတ်သတ်လို့လည်းရတယ်တဲ့”

———————-။——————–။—————————-

(၄)

အဲဒီနောက်ပိုင်း…အေးသာယာရွာမှာ သတင်းတစ်ခုထွက်ပါတယ်။ ကိုရင်စံတင့်ရဲ့နောက်ကို ဖိုသူကြီးသမီး အေးမြက တီထိုးရင်းလိုက်သွားတယ်ဆိုတဲ့ သတင်း။ ရွာမှာလည်း အဲဒီ သတင်း၊ ရွာပြင်မှာလည်း အဲဒီသတင်း၊ ချောင်းထဲမှာလည်း အဲဒီသတင်း။ ထန်းတောထဲလည်းအဲဒီသတင်း၊ ခေတ်စားလှသည်။ ညဖက်လသာတုန်း တီထိုး တမ်းကစားကြရင်တော့ အဲဒီသတင်းကို တစ်ယောက်မဟုတ် တစ်ယောက်ပြောဖြစ်အောင်ပြောစမြဲ။

ဖိုသူကြီး ဦးရွှေတိုးကတော့ တီထိုးတမ်းကစားနေကြတာကိုမြင်တိုင်းမျက်နှာကြီး ရှုံ့ရှုံ့သွားတတ်သော အေး သာယာရွာမှာ အခုထိရှိလေရဲ့….။

တိမ်တိုက်ထွန်း(ကစ္ဆပနဒီ)ဘလော့ဂ်မှ ကူးယူဖော်ပြအပ်ပါသည်။ မူရင်းပို့စ်တင်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးအထူးတင်ရှိပါသည်။

                                                                                ရဲရင့်ကိုကို 

လက်သစ်ပန်းချီ -ဓနုတ်ကိုကိုဇော်

လက်သစ်ပန်းချီ

အဖေဆိုတာ
အရုဏ်ဦးရဲ့ ပန်းချီဆရာတစ်ယောက်လို
သစ်ခေါက်နီဆေးရောင်သုံးပြီး
အနီးအဝေးစုတ်ချက်တွေနဲ့
လောကရဲ့ဈေးကွက်ပေါ်တင်
မှတ်တမ်းဝင်ကောက်ကြောင်း တစ်စဟာ
ချိုမြိန်ခြင်းဘ၀လို့ ဆိုသတဲ့..။

ယုံကြည်မှုနဲ့ရေးသောပန်းချီ
ကြိုးသီတဲ့အဓိပ္ပာယ်
ဝယ်လို့လည်းမရောင်း
ဟောင်းလည်းသူမပစ်
သမိုင်းသစ်နေဖို့ပဲ လိုချင်သတဲ့..။

ဒါ...
ပန်းတို့ရဲ့ ဥယျာဉ်မှူး
ခူးပြီးလည်းသူမပန်
ပင်မြင့်စံဖို့သာ အဓိက
အဲဒီအလှတွေကြည့်ကြည့်ပြီး
ရှု့မငြီးတဲ့ အဖေ
ကုဋေချီပြီးတောင် ချမ်းသာသတဲ့..။

ဒါကြောင့်
အဖေများရဲ့ သမိုင်းတစ်ခုကို
နှိုင်းတုမရတဲ့ အလင်္ကာနဲ့
သား... ကဗျာဆရာဖြစ်ရင်
အသစ်ထွင်နိုင်ဖို့ ကြိုးစားမယ်..။

ဓနုတ်ကိုကိုဇော်ရဲ့ ကဗျာဟောင်းလေးပါ.. ။ အဖေ့ကို သတိရလာလို့ တင်လိုက်တာပါ...။ အားပေးတဲ့အတွက် ကျေးဇူးပါသူငယ်ချင်းတို့..။
                                                ရဲရင့်ကိုကို 

သင်္ကြန်ထမင်း စားကြရအောင်

သင်္ကြန်ထမင်း

သင်္ကြန်ရက်အတွင်း၌ အထူးသဖြင့်မြန်မာပြည်အောက်ပိုင်းတွင် သင်္ကြန်ထမင်းကျွေးလှူလေ့ရှိသည်။ သင်္ကြန်ထမင်းဆန်ကို ထမင်းချက်၍ ထမင်းကိုရေဆေးထားပြီး ဖယောင်းနံ့သင်းထားသောရေဖြင့်ဆမ်း၍ သင်္ကြန်စာနှင့်စားရသော အာဟာရတစ်မျိုးဖြစ်သည်။ သင်္ကြန်စာမှာ ငါးခြောက်(အထူးသဖြင့် ငါ့ရံ့ခြောက်) ကို ပြုတ်၍ သရက်သီးနှင့်သုပ်ထားသော ငါးခြောက်သရက်သုပ်တစ်မျိုးဖြစ်သည်။ သရက်သီးမှာအချဉ်ပေါက်ရုံမျှဖြစ်ပြီး ငါးခြောက်ကများသည်။ ဖယောင်းနံ့သင်းထားသောရေဖြင့် ဆမ်းနှစ် ထားသော ထမင်းကို ဇွန်းဖြင့်ကော်ယူပြီး သင်္ကြန်စာခေါ် ငါးခြောက်-သရက်သီးသုပ်နှင် ရောမြှုပ်၍စားသည်။ ခံတွင်းမြိန်၍ အရသာထူးသဖြင့် ကြိုက်နှစ်သက်သူ များသည်။ သင်္ကြန်ထမင်းကို မော်လမြိုင်တွင်သင်္ကြန်ရောက်တိုင်း ပြုလုပ်စားသုံးကြသည်ဟု မှတ်သားသိရှိရသည်။

သင်္ကြန်ထမင်းလုပ်နည်းအဆင့်ဆင့်အား ဖော်ပြပေးလိုက်ပါသည်။

သင်္ကြန် ထမင်းပြုလုပ်ရန်အတွက်ဆန်ကို ရေဆေး၊ အိုးထဲထည့်ပြီးဆန်ပြုတ်အိုးတည်သကဲ့သို့ရေများများထည့်၍ပြုတ်ပါ။

၎င်းထမင်းအိုးဆူရုံနှင့်မရဘဲ ဆန်များတော်တော်ကွဲ၍ လက်ဖြင့်ချေလိုက်လျှင်ကြေသွားသည်အထိ နူးအိနေအောင်ပြုတ်ပါ။ ထို့နောက် ဆန်ခါခံ၍ ထမင်းအိုးကိုသွန်ချလိုက်ပါ။ ခံထားသောဆန်ခါပေါ်တင်နေသောထမင်းများ ကိုရေအေးအေးဖြင့် အေးစက်သွားသည်အထိ ကြာကြာဖျန်းပေးပါ။ (ဖြစ်နိုင်လျှင်လက်ကိုင်ရေပန်းခရားအငယ်စားလေးဖြင့် ဖျန်းပေးပါ)

ထိုအခါ

ဆန်ခါထဲမှထမင်းများသည် ထမင်းရည်များ ကုန်စင်သွားသည့်အပြင် ဆန်တွင်ပါရှိသောက ဆီဓာတ်များပါရေတွင်ပျော်ဝင်ပါဝင်သွားကာမုန့်လက်ဆောင်းဖတ်ကဲ့သို့ပျော့စိပွအိ သွားပြီဖြစ်သည်။  ဖယောင်းသင်းရေရရှိရန်မြေသောက်ရေအိုးဖြင့် အများဆုံးပြုလုပ်ကြလေ့ရှိသည်။ သန့်ရှင်းသောမြေသောက်ရေအိုးအလွတ်ထဲတွင်သေချာစွာဆေးကြောထားသည့်ကျောက်ခဲသန့်သန့်ကိုခံ၍ ဖယောင်းတိုင်ထွန်း၍သော် လည်းကောင်း၊ မြေခွက်ငယ်ထဲတွင် မီးကျီခဲအနည်းငယ်ထည့်ပြီး၎င်း
 အပေါ်ဖယောင်းခဲငယ်များနှင့်နံ့သာစ နည်းနည်းထည့်၍မွှေးကြိုင်ညှော်သောမီးခိုးထွက်လာပါက သောက်ရေအိုးထဲ မီးခွက်ထည့်လိုက်ပြီးရေစို အ၀တ်သန့်သန့်နှစ်ထပ်ကို ရေညှစ်၍ အိုးကိုအုပ်လိုက်သောအခါ ရေစိုအ၀တ်ကြောင့် မီးသေသွားပြီး ဖယောင်းနှင့်နံ့သာနံ့များမှာ အိုးထဲတွင်စွဲကျန်ရစ်ပါက မီးခွက်ကိုအိုးထဲမှထုတ်လိုက်ခြင်းဖြင့်သော်လည်းကောင်း၊ ဖယောင်းသင်းနံ့ရရှိအောင်ပြုလုပ်ကြသည်။ ဖယောင်းသင်းနံ့စွဲကျန်နေသောအိုးထဲသို့သောက်ရေကို ထည့်ကာအဖုံးပိတ်ထားပါကဖယောင်းသင်းရေကိုရရှိမည်ဖြစ်သည်။ ၎င်းရေကုန်သွားပါကထပ်ဖြည့်ရုံသာဖြစ်သည်။

ငါးခြောက် ထောင်းကြော်ပြုလုပ်ပုံမှာငါးကွန်းရှပ်ခြောက်ကို ရေစင်စင်ဆေး၍ အိုးထဲတွင် ရေမြုပ်ရုံထည့်ပါ။ ငါးခြောက်များ နူး၍ ပွလာသောအခါ အအေးခံ၍အသားနွှင်ကာ ဆုံထဲထည့်ထောင်းပါ။ ငါးခြောက် သက်သက်ကိုသာ ကြော်ပါက အငန်ကဲ နေမည်ဖြစ်သောကြောင့်ပွပွနှင့် မွမွဖြစ်ကာအချိုလေးစေရန်ပုစွန်ခြောက်ရောရမည်ဖြစ်သည်။ ပုစွန်ခြောက်ကို ရေစင်စင်ဆေး
 ၍ထောင်းကာ ငါးခြောက်နှင့်ဆတူရောပါ။ အချို၊ အငန်တွဲပြီးပါက အချဉ်ဓာတ် လိုနေပြီဖြစ်ရာ သင်္ကြန်ရာသီတွင်ပေါများလွယ်ကူစွာရရှိသည့်သရက်သီးစိမ်းကိုအသုံးပြုမည်ဖြစ်ပြီးမရမ်းသီးနှင့်လည်းပြုလုပ်နိုင်ပါသည်။

သရက်သီးစိမ်းကိုခြစ်၍အချဉ်ရည်များကုန်စင်အောင်ညစ်ရမည်ဖြစ်ပြီးမရမ်းသီးနှင့်ပြုလုပ်ပါက ပါးပါး လှီး၍ထည့်ရမည်ဖြစ်သည်။ ကြက်သွန်နီကိုလေးစိတ်ကွဲခွဲထားပါ။ အချိုအားဖြည့်သောအနေဖြင့် ကြက်သွန်နီများများထည့်ပါ။ ငါးပိကိုရေဖျော်ထည့်၍မရသောကြောင့် သဲမပါစေရန် ငါးပိစိမ်းကောင်း အနည်းငယ်လိုသည်။ ငါးပိကအချဉ်ဓာတ်ကိုထိန်းပြီးအချိုကဲစေသည်။ ဆနွင်း အနည်းငယ်လည်းလိုသည်။ ရွှေအပ် ငရုတ်သီးကဲ့သို့သေးငယ်သောငရုတ်သီးအခြောက်တောင့်များကိုနီညိုရောင်ဖြစ်လာသည်အထိ ဆီပူထဲတွင်ကြော်၍ပြန်ဆယ်ထားပါ။ ငါးခြောက်ထောင်းကြော်ထဲတွင်ပါဝင်မည့်ပစ္စည်းအားလုံးကိုမကြော်ခင် သမအောင်နယ်ထားပါ၊ (ကြက်သွန်နီမပါသေး)။ မနယ်ဘဲကြော်ပါကအိုးကပ်နိုင်သည်။ အချို၊ အချဉ်၊ အငန်တို့ကို မိမိနှစ်သက်သလို ထပ်ထည့်ပါ။ ၎င်းနောက် ငရုတ်သီး ကြော်ထား၍ အရောင်ကျန်နေသော ဆီထဲသို့ အားလုံးရောထည့်၍ကြော်ပါ။ နူးစေရန်ရေ အနည်းငယ် ထည့်ပါ။ ၁၅ မိနစ်ခန့် ကြော်ပြီး နောက်ဆုံးမှ ကြက်သွန်နီကို ထည့်ပါ။ကြက်သွန်နီများ ပျော့အိမသွားဘဲ စားကောင်းရုံသာ ရှိရပါမည်။ ငါးခြောက် ထောင်းကြော်မှာ သရက်သီး၊ကြက်သွန်တို့ ပါဝင်မှုကြောင့် အခြောက်ကြော်မဟုတ်ဘဲ အစိုကြော်အဖြစ် မွှေးကြိုင်စွဲမက်စားချင်စဖွယ်ဖြစ်နေမည်ဖြစ်သည်။

ကဲ.. သူငယ်ချင်းတို့ရေ.. ဒီနှစ်သင်္ကြန်တော့ သင်္ကြန်ထမင်းလေး လုပ်စားလိုက်ကြရအောင်လား..။ 

  

ရဲရင့်ကိုကို
စာကိုး။   မြန်မာ့ရေးရာ သုတပဒေသာ၊ Theint's blog

သူငယ်ချင်းများ ကျေးဇူးတင်ပါတယ်နော်..။ 

အသည်းကွဲနေသော ကောင်မလေးတွေ ဖတ်ရန်

ပုံပြင်အစ

တစ်ခါတုန်းက
ဘုရားသခင်သည် လူသားမိန်းမအား ဖန်ဆင်းနေစဉ်အတွင်း ၆ ရက်မြောက်နေ့ တွင် နတ်သမီးတစ်ပါးရောက်လာပြီး ဘုရားသခင်အား ........
"ဒီတစ်ခုလေးကို ဘာကြောင့် အချိန်အများကြီး ယူပြီး ဖန်ဆင်းနေရတာလဲ"

ဟု အပြစ်တင်စကားဆိုလေ၏ ။ ထိုအခါ ဘုရားသခင် က"ဖန်တီးနေတဲ့လူသားမိန်းမရဲ့ အစိတ်အပိုင်းတွေကိုတွေ့ လား"
ဟုမေးလိုက်လေ၏ ။နတ်သမီးက ဖန်တီးလက်စ လူသားမိန်းမကို သေချာကြည့်နေ၏ ။
ဘုရားသခင်ကဆက်ပြောပြသည် ။
ဘုရားသခင်သည် သူဖန်တီးပြီးဖြစ်သော လူသားမိန်းမ ၏ လက်နှစ်ချောင်း အားညွှန်ပြလိုက်ပြီး....
"ဒီလက်နှစ်ချောင်းနဲ့ သူမဟာ အ၀တ်လျှော်နိုင်အောင် လုပ်ထားတယ် ။ အိမ်ကပစ္စည်း ၂၀၀ လောက်ကိုလည်း ဟိုရွှေ့ ဒီရွေ့ လုပ်နိုင်တယ် ။ အစားအသောက်မျိူးစုံကိုလည်း ချက်ပြုတ်ပြင်ဆင်ပေးနိုင်တယ် ။ ဒါ့အပြင် ကလေးငယ်တွေကို တစ်ကြိမ်တည်းမှာ ချီမပြုစုနိုင်တယ် ။ နောက်ပြီး ဒူးနာနေတာကနေစပြီး အသည်းကွဲနေတာအထိ သူမက ပျောက်ကင်းအောင် စွမ်းဆောင်ပေးနိုင်တယ် "
ဟု ဖန်တီးနေရင်းမှ ရှင်းပြသည် ။ဘုရားသခင်၏စကားကြောင့် နတ်သမီးမှာ လူသားမိန်းမကို အထင်ကြီးလေးစားသွား၏ ။
"လက်နှစ်ဖက်ထဲနဲ့ အဲ့ဒါတွေ အကုန်လုံးလုပ်လို့ ရတယ် ...... မဖြစ်နိုင်တာ ."
ဟုပြောပြီးခေါင်းခါနေပြန်၏ ။ထို့ နောက် ဘုရားသခင်အားတစ်ချက်ကြည့်လိုက်ပြီး ...
"ဒါဟာလူသားမိန်းမ ဖြစ်ပေါ်ရမဲ့ ပုံစံ အပြည့်အစုံပဲလား"
ဟုထပ်မေးပြန်၏ ။"ဒီနေ့ တော့ သူမကို ဖန်တီးရတာတွေအရမ်းများနေပြီ ..မနက်ဖြန်ကို တစ်ချက်ကြည့်ပါဦး ၊ အဲ့ဒီအခါကျရင် ပြီးပြည့်စုံတဲ့ လူသားမိန်းမပုံစံကိုတွေ့ ရလိမ့်မယ်"
ဘုရားသခင်က ဆက်ပြောပြန်၏ ။"ဒီနေ့ မှာတော့ လူသားမိန်းမရဲ့ ပုံစံဟာ ပြီးသင့်သလောက်တော့ပြီးနေပါပြီ ။ ဖန်ဆင်းခဲ့သမျှထဲမှာ လူသားမိန်းမကို ဖန်ဆင်းရတာ အကြိုက်နှစ်သက်ဆုံးပါပဲ "
"..........."
"နာမကျန်းဖြစ်တဲ့အခါတွေဆိုရင် သူမဟာ သူမဘာသာ သူမ ပြုစုစောင့်ရှောက်တတ်တယ် ။ ပြီးတော့ တစ်နေ့ မှာ ၁၈ နာရီလောက် အလုပ်လုပ်နိုင်တယ် ။
နတ်သမီးသည် ဘုရားသခင် စကားကို နားထောင်နေရင်း မှ လူသားမိန်းမ အနီသို့ တိုးသွား၏ ။ ထို့ နောက် လူသားမိန်းမ ကို တို့ ထိကြည့်လိုက်၏ ။
"နူးညံ့လွန်းလှချည်လား
"ဟုတ်တယ် နူးညံ့တယ် ။ ဒါပေမဲ့ စိတ်ဓာတ် သန်မာအောင်တော့ ဖန်တီးထားတယ် ။ အခက်အခဲတွေ ၊ အတားအဆီးတွေကိုလည်း ကျော်လွှားနိုင်အောင် ဖန်တီးထားတယ်"
"သူမကတွေးတတ်လား"
ဟုနတ်သမီးကမေးလိုက်ပြန်ပါသည် ။"တွေးတတ်ယုံတင်မကပါဘူး ။ ကျိူးကြောင်းဆီလျော်အောင်စဉ်းစားနိုင်ပြီး ညှိနှိုင်းမှုတွေကိုလည်း လုပ်တတ်သေးတယ်"
နတ်သမီးသည် ဘုရားသခင်ဖန်တီးလက်စ လူသားမိန်းမ၏ ပါးပြင်ကို ထိလိုက်ပြန်၏
"ဟင်..ဒီမှာ အရေတွေ စိမ့်ကျနေပါလား ။ ဖန်ဆင်းထားတာတွေများလွန်းလို့ သူမမှာ ၀န်တုတ်ဝန်ပိုး ဖြစ်နေပြီလား မသိဘူး"
"ဒါဟာ အရည်တွေစိမ့်ကျတာမဟုတ်ပါဘူး ။ အဲ့ဒါကို မျက်ရည်လို့ ခေါ်ပါတယ်"
"ဘာအတွက်လဲ"
"သူမရဲ့ ဘ၀မှာ ၀မ်းနည်းမှုတွေ ၊ ကြေကွဲမှုတွေ ၊ အမုန်းတရားတွေ ၊ ချစ်ခြင်းတွေ ၊ အထီးကျန်ဆန်မှုတွေ ၊ ပြီးတော့ နာကျင်မှုတွေ ၊ ဂုဏ်ယူမှုတွေ စတဲ့ စိတ်ခံစားမှုတွေကို ဖော်ပြဖို့ အတွက်ပါ"
ထိုအခါ နတ်သမီးသည် လူသားမိန်းမအတွက် မျက်ရည်ဖန်တီးမှုကို လွန်စွာ အထင်ကြီးသွားလေ၏ ။
"သင်ဟာ ကြီးကျယ်မြင့်မြတ်လှပေတယ် ။ အရာရာ အားလုံးကိုလည်း စစ်စစ်ပေါက်ပေါက်တွေးတောနိုင်ပေတယ် ။ သင်အခု ဖန်တီးထားသော လူသားမိန်းမကလည်း ကမ္ဘာလောကကြီးအတွက် ထူးခြားပြီး အလိုအပ်ဆုံး ဖြစ်လာပါလိမ့်မယ်"
ဟုဆိုလိုက်သည် ။ဘုရားသခင်က နတ်သမီးစကားကို တစ်ချက် ပြုံးလိုက်သည် ။
"ဟုတ်တယ် ... လူသားမိန်းမက ကမ္ဘာလောကကြီးအတွက် တကယ်လိုအပ်တယ် ။ သူမမှာ လူသားယောင်္ကျားတွေ အံ့သြသွားလောက်စေမယ့် ခွန်အားတွေ ရှိတယ် ။ မိသားစုရဲ့ ဒုက္ခတွေနဲ့ ဝန်ထုတ်ဝန်ပိုးတွေကိုလည်း ဖြေရှင်းနိုင်သေးတယ်"
"သူမကြောင့် ပျော်ရွှင်ခြင်းတွေ ၊ ချစ်ခြင်းတွေ ၊ အတွေးအခေါ်တွေ ဖြစ်ပေါ်လာနိုင်တယ် ။ ကြောက်ရွံ့ မှုတွေတွေ့ ကြုံခံစားနေရတောင်တာမှ သူမက ပြုံးပြနိုင်တယ်"
"အဲ့ဒီလောက်တောင်ပဲလား"
"ဒါ့အပြင် ငိုကြွေးရမယ့် ဒုက္ခတွေကြုံလာချိန်မှာလည်း သူမက သီချင်းဆိုတယ် ။ ပျော်ရွှင်ရယ်မောတဲ့ အချိန်မှာလည်း သီချင်းဆိုတယ် ။ ကြောက်ရွ့ံတဲ့ အချိန်မှာလည်း သီချင်းဆိုတယ် "
"အို"
"သူ့ မိသားစုအတွက် ယုံကြည်ရာကို ပြုလုပ်တယ် ။ သူမဟာ သူ့ မိသားစုအတွက် အခရာလို့ ခံယူထားတတ်ပြီး မိသားစု အောင်မြင်ခြင်းဟာလည်း သူ့ အပေါ်မှာတည်မှီနေတယ်လို့  ယူဆထားတတ်တဲ့ လူသားတစ်မျိူးပါ ။ သူမရဲ့ နှလုံးသား ဟာ ပုံသဏ္ဍာန်အမှန်မရှိပါဘူး"
"သူမရဲ့ သားသမီးတွေ အောင်မြင်နေတာကြည့်ပြီး ငိုကြွေးရင်လည်း ငိုကြွေးနေတတ်သေးတယ် ။ နောက်ပြီး သားသမီးရတဲ့ အကြောင်းတို့ ကြားရရင်လည်း တစ်စုံတစ်ဦးအတွက် ဂုဏ်ယူနေတတ်သေးတယ်"
နတ်သမီးမှာ ဘုရားသခင်စကားကို နားထောင်နေရင်း သဘောကျနေပုံရ၏ ။ ဘုရားသခင်က လူသားမိန်းမ၏ နောက်အကြောင်းအရာတစ်ခုကို ဆက်ရှင်းပြနေပြ၏ ။
"သူမရဲ့ နှလုံးသားဟာ ဆွေမျိူးမိသားစုထဲက တစ်ယောက်ယောက် ၊ ဒါမှမဟုတ် သူငယ်ချင်းတစ်ယောက်ဆုံးတယ်လို့ သတင်းကြားရရင်ပဲ ကွဲကြေတတ်ပါတယ် ။ ဒါပေမဲ့ .... သူမဟာ ထိုကြေကွဲမှုတွေကို ဘ၀ရဲ့ ခွန်အားအဖြစ် ပြောင်းလဲအသုံးပြုတတ်သေးတယ်"
"............"
"အနမ်းရယ် ၊ယုယတဲ့ ထွေးပွေ့ မှုဟာ အသည်းကွဲခြင်းကို သက်သာစေနိုင်တယ်ဆိုတာ ကိုလည်း သူမကသိသေးတယ်"
"ဒါပေမဲ့ သူမမှာ ချိူ့ ယွင်းချက်တစ်ခုတော့ ရှိတယ်"

"ဘယ်လို"

နတ်သမီးမှာ မကြားလိုက်၍ပြန်မေး၏
"ချိူ့ ယွင်းချက်တစ်ခုတော့ ရှိတယ်လို့ ပြောတာပါ"
"ဘာချိူ့ ယွင်းချက်လဲ"
"သူမဟာ သူမရဲ့ အဲ့ဒီလို တန်ဖိုးရှိမှုတွေကို မေ့နေတတ်တယ်"
"ဟင်"
"နောက်ပြီး သူမဟာ ကမ္ဘာလောကအတွက် အဖိုးတန် လူသားတစ်ယောက်ပါလား ဆိုတာကို သူ့ ကိုသူ အမြဲတမ်းလည်း မေ့နေတတ်တယ်"
ဟုပြောပြီး သူ၏ဖန်ဆင်းခြင်းကို အဆုံးသတ်လိုက်လေ၏ ။

ပုံပြင်အဆုံး

ဒီပုံပြင်လေးဟာ လူနေ (နတ်သမီးအဆောင်)ဆိုတဲ့ ၀တ္ထု စာအုပ်ကလေးထဲက ဇာတ်လိုက်မင်းသားလေးကို သူ့ အဖေက ပြောပြနေတဲ့ ပုံပြင်လေးဖြစ်ပါတယ် ။ ၀တ္ထုစာအုပ်လေးက sample အဖြစ်ထုတ်ထားတာမို့ လို့ တော်တော်တော့ ရှာဝယ်ရမှာပါ ။ ဖတ်ကြည့်လိုက်ပါ အရမ်းကောင်းပါတယ် ။ လူနေရဲ့ ပရိသတ်တွေ သိပြီးသားနေမှာပါ ။ လူနေ ရဲ့ စာအရေးအသားကို ။ ဘယ်လို အကြောင်းအရာလေးလဲဆိုတော့ အသည်းကွဲနေတဲ့ ကောင်မလေး တစ်ယောက်ကို လမ်းမှန်ပြန်ရောက်အောင် ကောင်လေးတစ်ယောက်က ဘယ်လို ပို့ ပေးလိုက်တယ်ဆိုတဲ့ အကြောင်းလေးကို ... လူငယ်အကြိုက် ..ရေးဖွဲ့ ထားထာ ဖြစ်ပါတယ် ။ အဲ့ဒါကြောင့် အပြေးကလေး ၀ယ်ပြီး ဖတ်ရှုလိုက်ကြပါဦးလို့ သတင်းကောင်းပါးလိုက်ပါတယ် ။

ယွန်း ရဲ့ဘလော့ဂ်လေးမှ ပြန်လည်ဝေမျှလိုက်ခြင်းဖြစ်ပါသည်။ မူရင်းပို့စ်တင်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးအထူးတင်ရှိပါသည်။

                                                               ရဲရင့်ကိုကို 

ဂိမ်းသနာပါသော သူငယ်ချင်းများ အတွက် ကမ္ဘာ့အကောင်းဆုံး Game Download Websites များ

ယနေ့ခေတ် IT ကမ္ဘာက လူငယ်များအတွက်ကတော့ Game ဆိုတာဟာ ပြောစရာမလိုလောက်အောင် ရင်းနှီးကျွမ်းဝင်နေတဲ့ အသည်းစွဲပါ။ X Box, Wii Game, Sony, Apple i-pod, Apple i-pad စတဲ့ Digital Device မျိုးစုံနဲ့။ Gamming Adventure တွေကြားမှာ မွေးဖွားလာကြတဲ့ Digital Generation လူငယ်များအတွက် ဒီတစ်လ Inernet Travelling ကဏ္ဍမှာ Internet ပေါ်က ကမ္ဘာ့အကောင်းဆုံး Free Game Download Website များကို တင်ပြပေးလိုက်ပါတယ်။ စိတ်ကျေနပ်ကြလိမ့်မယ်လို့ မျှော်လင့်ပါတယ်။


 1. http://games.yahoo.com

အင်တာနက်ပေါ်မှာရှိတဲ့ content မှန်သမျှကို Provide လုပ်ပေးနေ တဲ့ Leading Internet Content Provider ဖြစ်တဲ့ Yahoo! Website ဟာ Free Game Download နဲ့ ပတ်သက်ပြီးတော့လည်း ကမ္ဘာ့အကောင်း ဆုံး Website တစ်ခုပါတဲ့။ ဒီဆိုဒ်ပေါ်မှာ Free Game မျိုးစုံသာမက Puzzle Game, Card game စတဲ့ Paper Based Game မျိုးစုံကိုလည်း Download ရယူနိုင်ပါသတဲ့။

 

2 www.gamezone.com

ဒီဆိုက်မှာလည်း Game နဲ့ ပတ်သက်တဲ့ Review (သုံးသပ်ချက်) တွေ၊ News Releases တွေ၊ Special Passwords တွေ စတဲ့ Gamming Services တွေအားလုံးကို ရနိုင်တဲ့ အပြင် PC, PS2, PS 3, XBOX, PSP, GBA, DS, Mobile, WII, MMPOG စတဲ့ Devices အစုံအလင်အတွက် Game ပေါင်းစုံကို တစ်နေရာထဲမှာ Download ရနိုင်တဲ့အတွက် PC Gammer တွေ အထူးအကြိုက်တွေ့ မယ့် Website တစ်ခုပါ။


 3. www.gamespot.com

ဒီ Site မှာလည်း gamezone တုန်းကလိုပဲ device အစုံအတွက် Game Download ရယူနိုင်တဲ့ အပြင် ထူးထူးခြားခြား i-phone တွေ i-pad တွေအတွက်လည်း ထိတွေ့ခံစားမှုနဲ့ ဆော့လို့ရတဲ့ Touch Game တွေ Download ရယူလို့ရပါတယ်။ နောက် ဒီ Site ပေါ်မှာ Game နဲ့ ပတ်သက် တဲ့ Latest Headlines တွေကိုလည်း ဖတ်ရှုလို့ ရပါသေးတယ်။


 4.www.games.com

ဒီ Site ကို ၀င်ဖို့ကတော့ User Name, Password ပါတဲ့ Account တစ်ခု ဖန်တီးဖို့ ပထမဆုံး လိုပါ တယ်။ ဒီ Site မှာလည်း Game မျိုးစုံ ကို Free Download ရနိုင်တဲ့အပြင် ထူးခြားတာက။ Gamming နဲ့ သက် ဆိုင်တဲ့ Technology Fourm တွေမှာ လည်း ၀င်ရောက် ဆွေးနွေးပြီး အသိပညာ ဖလှယ်နိုင်ပါသေးတယ်။


 5. http://zone.msn.com

Online လောကရဲ့ နာမည် ကြီး msn ရဲ့ msn games site မှာ လည်း startegy, Action စတဲ့ High Definition, High Graphic Game မျိုးစုံ ကို Download ရယူနိုင်ပါတယ်။


 6. www.gamespy.com

ဒီ Site မှာလည်း Game မျိုး စုံ၊ Game နဲ့ ပတ်သက်တဲ့ Review မျိုးစုံ၊ Guide မျိုးစုံကို Download ရယူ နိုင်ပြီး ထူးခြားတာက Religion's Role in Gamming တို့လိုမျိုး ထူးခြားတဲ့ Topic ကလေးတွေကို ဒီ Site ပေါ် မှာ ရှာဖွေ ဖတ်ရှုနိုင်ပါသေးတယ်။


 7. www.hotgames.com

ဒီ site ကတော့ Free Game Download နဲ့ ပတ်သက်ပြီး ကမ္ဘာ့ ဒုတိယအကောင်းဆုံး Web-site တစ်ခုပါ။ ဒီဆိုဒ်ရဲ့ Home Page မှာ Selection Popular Games တွေကို Download ဆွဲလို့ ရသလို၊ Website တစ်ခု ဖန်တီးဖို့အတွက် Free Hosting, 300 Free templates, Free Homepage စတာတွေကိုလည်း Download ရယူနိုင်ကြပါတယ်။ ဒါ့ အပြင် သူ့ဆီမှာလည်း Arcad Games, Card Games, Puzzles, Sports Games, Word Games အစုံ အလင်ကိုလည်း Free Download ရ ပါသေးတယ်။

8. http://videogames.yahoo.com

ဒါကတော့ ခုနက ကမ္ဘာ့ အကောင်းဆုံး Yahoo! Website ရဲ့ Video Games သီးသန့် Free Download Selection Site ပါ။ Video Game မျိုးစုံကို Download ရနိုင်ပါ တယ်။


9. www.gamehippo.com

ဒီ Site မှာတော့ ပေါ့ပေါ့ပါးပါး အသေးစား Flash Game ကလေး တွေရယ်၊ ကလေးတွေအကြိုက် Baby Game, Funny Game လေးတွေ မျိုးစုံကို အခမဲ့ ရယူနိုင်ကြပါတယ်။


 10.www.softwarearchives.com

ဒီ Site ကတော့ Game အကြီးစားကြီးတွေကို Download လုပ်လို့ရမှာ မဟုတ်ပဲ၊ Cell Phone, Pocket PC, Tablet စတဲ့ Small Screen Devices များအတွက် ရည်ရွယ်တဲ့ Game တွေကို Download ရယူနိုင်ကြမှာ ဖြစ်ပါတယ်။

ကျွန်တော့်ဥယျာဉ်လေး မှ ကူးယူဖော်ပြအပ်ပါသည်။ မူရင်းပို့စ်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးတင်ရှိပါသည်။

                                                                                          ရဲရင့်ကိုကို  

G-Talk မှ နောက်ဆုံးရသတင်းများ ဖတ်ရှုနိုင်ပြီ

နိုင်ငံရေးရာ သတင်း Share ပြည်တွင်း၌ တရားဝင်ထုတ်ဝေနေသည့် ဂျာနယ်များမှ ရရှိသည့် နောက်ဆုံးရသတင်းများကိုG Talk အသုံးပြုသူများ အချိန်မရွေးဖတ်ရှု နိုင်မည့်စနစ် မြန်မာအင်တာနက်မှ စတင်လိုက်ပြီဟု သိရသည်။ သတင်းဖတ်ရှုလိုသူများ သည် မိမိ G Talk တွင် friends. myan-mar.burma@ gmail.com ကို မိတ်ဆွေစာရင်းတွင် ထည့်သွင်းထားရမည်ဖြစ်သည် ထိုမိတ်ဆွေအမည်ကို ပုံမှန်စာရိုက်၍ စကားပြောသကဲ့သို့ စာတစ်ခုခုရိုက်ထည့်၍ Enter နှိပ်လိုက်ပါက နောက်ဆုံးရ သတင်း ၁ဝ ပုဒ်ကို ချက်ချင်းထုတ်ပြပေးမည်ဖြစ်သည်။ ၄င်းသတင်းများကို နေ့စဉ် ပုံမှန်ထွက်ရှိနေသည့် ပြည်တွင်းထုတ် ဂျာနယ်များမှရွေးကာာ myanmar- myanmar. net မှ ဖော်ပြခြင်းဖြစ်ကြောင်း သိရသည်။ ”သိသင့်သိထိုက်တဲ့သတင်းတွေကို ရွေးဖော်ပြပေးမှာပါ။ ဖော်ပြရင်လည်း တစ်ပုဒ်လုံးမဟုတ်ဘဲ အဓိက အကြောင်းအရာပဲ ဖော်ပြမှာပါ။ ကိုယ်တိုင်ကလည်း နည်းပညာပိုင်း လုပ်နေတာဖြစ်တဲ့ အတွက် နည်း ပညာပိုင်းမှာ သိသင့်တဲ့ဟာတွေကိုလည်း ဘာသာပြန်ပြီး ထည့်ပေးမယ်” ဟု မြန်မာအင်တာနက်မှ တာဝန်ရှိသူ တစ်ဦးက သတင်းတင်ပြမှုနှင့် ပတ် သက်၍ ရှင်းပြသည်။ ပြည်ပရောက် မြန်မာအများစုအနေဖြင့် ပြည်တွင်းသတင်းဂျာနယ်များမှ သိသင့်သိထိုက်သည့် သတင်းများကို ဖတ်ရှုနိုင်ရန် တင် ပြပေးခြင်းဖြစ်ကြောင်း ၄င်းက ဆက်လက်ပြောကြားသည်။ ပြည်တွင်းထုတ် သတင်းဂျာနယ်များမှ စိစစ်ရေးခွင့်ပြုချက်ရ သတင်းများကို ဖော်ပြသည့် သတင်းဝက်ဘ်ဆိုက်

www. myanmar-myanmar.net

မှ နေ့စဉ်သတင်းဂျာနယ်ပေါင်းစုံမှ သတင်းများကို အခမဲ့ဖတ်ရှုနိုင်ကြောင်း သိရသည်။

ကျွန်တော့်ဥယျာဉ်လေး မှ ကူးယူဖော်ပြအပ်ပါသည်။ မူရင်းပို့စ်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးတင်ရှိပါသည်။

                                                                                          ရဲရင့်ကိုကို 

မြန်မာ့ဓလေ့ထုံးထမ်းအရ ထိမ်းမြားမင်္ဂလာ (၁၀)ပါး

ပုဆိုးတန်းတင် ထိမ်းမြားခြင်း  

သတို့သား၊ သတို့သမီးနှစ်ဦးလုံးကို လူလည်ခေါင်တွင် ကန်တော့ခံမထွက်ပဲ မိမိအိမ်မှာပင် လွတ်လပ်စွာနေလျှင် ဖိတ်ထားသောပရိတ်သတ်များ စားသောက်ပြီး ပြန်သွားကြမှ သတိုးသမီး အိပ်ခန်းရှိ ကြိမ်တန်း၊ ကြိုးတန်း၌ သတိုးသား ပုဆိုး၊ ပုဝါ လှန်း၍ တင်ကာထိမ်းမြားခြင်းကို ပုဆိုးတန်းတင် ထိမ်းမြားခြင်း ဟုခေါ်သည်။
လက်စုံစား ထိမ်းမြားခြင်း  

ထမင်း သိုမဟုတ် မုန့်တစ်ခုခု ကို သတို့သား၊ သတို့သမီးတို့က လက်စုံစားစေ ထိမ်းမြားခြင်းကို လက်စုံစား ထိမ်းမြားခြင်း ဟုခေါ်သည်။ (ယခု လင်မယားအရာ မြောက်ပြီးမှသာ ပြုလုပ်လေ့ ရှိသည်။)
လက်စွပ်လဲ၍ ထိမ်းမြားခြင်း  

သတို့သား ၀တ်ဆင်သော လက်စွပ်ကို သတို့သမီးအား ၀တ်ဆင်ပေးခြင်း၊ သတို့သမီး ၀တ်ထားသော လက်စွပ်ကို သတို့သားအား ၀တ်ဆင်ပေးခြင်း၊ အချင်းချင်းလဲလှယ်၍ ထိမ်းမြားခြင်းကို လက်စွပ်လဲ၍ ထိမ်းမြားခြင်း ဟုခေါ်သည်။
အ၀တ်ပေး၍ ထိမ်းမြားခြင်း  

သတို့သားက သတို့သမီးအိမ်သို့ လာသည့်အခါ သတို့သမီး၏ မိဘများက အ၀တ်ပုဆိုးအသစ် လဲလှယ်ဝတ်ပေးခြင်းကို အ၀တ်ပေး၍ ထိမ်းမြားခြင်း ဟုခေါ်သည်။
လက်ထပ်ထိမ်းမြားခြင်း  

သတို့သမီးလက်ယာလက်ကို ဖြန့်ထား၍ သတို့သားလက်ယာဘက်ကို အပေါ်တင်စေကာ ဘိသိက်ဆရာက ဖြစ်စေ၊ လူကြီးတစ်ဦးဦးကဖြစ်စေ ရွှေနှင့်ငွေ ဂဟေ ဆက်ထားသကဲ့သို တူနှစ်ကို တစ်စိတ်တစ်ဝမ်းထည်းဟု ပရိသတ်အလယ်တွင် ထိမ်းမြားခြင်းကို လက်ထပ်ထိမ်းမြားခြင်း ဟုခေါ်သည်။
ဒါလီဖွဲ့၍ ထိမ်းမြားခြင်း  

ဖြန့်လျှင်နှစ်ဦးစလုံး ဦးခေါင်းဆံ့လောက် လေးတောင်ခန့်ရှိသော ရွှေဆွဲကြိုး ပန်းကုံသဖွယ်ပြုလုပ်၍ သတို့သား၊ သတို့သမီး နှစ်ဦးစလုံး တစ်ခါတည်း စွပ်၍ ထိမ်းမြားခြင်းကို ဒါလီဖွဲ့၍ ထိမ်းမြားခြင်း ဟုခေါ်သည်။
စုလျှားရစ်ပတ် ထိမ်းမြားခြင်း  

အလျှား (၆) တောင်၊ အနံ (၂)တောင် ရှိသော သတို့သမီးခြုံသော စုလျှားတဘက်အား သတို့သား၊ သတို့သမီးနှစ်ဦးအား ရစ်ပတ်ထိမ်းမြားခြင်းကို စုလျှားရစ်ပတ် ထိမ်းမြားခြင်း ဟုခေါ်သည်။
ပန်းကုံစွပ်၍ ထိမ်းမြားခြင်း  

သတို့သားက သတို့သမီးအား ပန်းကုံးစွပ်ပေးသဖြင့်၊ သတို့သမီးက သတို့သားအား ပန်းကုံးစွပ်ပေးသဖြင့် ထိမ်းမြားခြင်းကို ပန်းကုံစွပ်၍ ထိမ်းမြားခြင်း ဟုခေါ်သည်။
ရေခွက်၌ လက်ချ၍ ထိမ်းမြားခြင်း  

ရွှေဖလား၊ ငွေဖလား၊ ဖန်ခွက် စသည်တို့ ရေတစ်ဝက်ထည့်၍ သပြေပန်း၊ နေဇာမြက်များ ထည့်ပြီး သတို့သား၊ သတို့သမီး တို့၏ လက်ယာလက်များကို ချထားစေ၍ ရေကြည်လင်အေးမြ၍ မကွဲတပြား တသားတည်းနေ သတို့သား၊ သတို့သမီးတို့ ရိုးမြေကျ ရာသက်ပန်တည်ပါစေ ဟုဆို၍ လက်ချထိမ်းမြား ခြင်းကို ရေခွက်၌ လက်ချ၍ ထိမ်းမြားခြင်း ဟုခေါ်သည်။
ဦးထိပ်၌ ရေစင်သွန်း၍ ထိမ်းမြားခြင်း  

ရွှေခွက်၊ငွေခွက်၊ဖန်ခွက် စသည့် န၀ရတ် ကိုးပါး၊ နံသာမျိုးငါးပါး သွေး၍ (သို့မဟုတ်) ရေမွှေးများထည့်၍ သတို့သား၊ သတို့သမီးတို့၏ ထိပ်၌ သပြေပန်းခက်ဖြင့် ပက်ဖြန်း၍ လက်ထပ်ထိမ်းမြားခြင်းကို ဦးထိပ်၌ ရေစင်သွန်း၍ ထိမ်းမြားခြင်း ဟုခေါ်သည်။

စိတ်ကူးပျော်ရာမှ ကူးယူဖော်ပြအပ်ပါသည်။ မူရင်းလင့်ခ်ကို ဒီမှာ သွားရောက်ကြည့်ရှုနိုင်ပါသည်။ ပို့စ်တင်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးအထူးတင်ရှိပါသည်။

                                                                                                            ရဲရင့်ကိုကို

မြန်မာဂိမ်း ငတက်ပြား တီထွင်ထုတ်လုပ်လိုက်ပြီ

ဂိမ်းနာမည်ကတော့ ငတက်ပြား ဖြစ်ပါတယ်။ဂိမ်းကို စင်ကာပူအခြေစိုက် Rival Edge Pte Ltd ရှိ Game Developer Teamမှရေးဆွဲထားခြင်းဖြစ်ပါတယ်။ဂိမ်းပုံစံကတော့ Temple Run ဂိမ်းလုိုပဲ ငတက်ပြားက အချိန်ပြည့်ပြေးလွှားလှုပ်ရှားနေတဲ့ဇာတ်ကောင်အနေနဲ့ဆော့ကစားရမှာဖြစ်ပြီး ပြေးနေသည့်လမ်းတစ်လျှောက်ရွှေထုပ်အများအပြားရရှိအောင်ဆော့ကစားရမှာဖြစ်ပါတယ်။ ဂိမ်းရဲ့နောက်ခံတီးလုံးကုို မြန်မာ့ရုိုးရာတီးလုံးနဲ့ ဖန်တီးထားပါတယ်။ ဆော့လုို့ကောင်းတဲ့ မြန်မာ ဂိမ်းလေးတစ်ခုဖြစ်ပါတယ်။

 

 

 

 

လိုချင်ရင်တော့ အောက်က link မှာသွားယူလိုက်ပါခင်ဗျာ။
ငတက်ပြား v1.0 for Android အားရယူရန်

စိတ်ကူးပျော်ရာမှ ပြန်လည်မျှဝေပေးခြင်းဖြစ်ပါတယ်။ မူရင်းလင့်ခ်ကို ဒီမှာ သွားရောက်ကြည့်ရှုနိုင်ပါတယ်။ မူရင်းပို့စ်တင်သူနှင့် လာရောက်ဖတ်ရှုသူ သူငယ်ချင်းများကို ကျေးဇူးအထူး တင်ရှိပါတယ်။

                                                                                             ရဲရင့်ကိုကို 

အားနာမိပါတယ် အဖေ

အားနာလိုက်တာ အဖေ
တေးသီချင်းတွေ အများစုကလည်း
အမေ့ မေတ္တာဘွဲ့ တေးတွေ
ကဗျာဆရာ အများစုကလည်း
အမေ့ မေတ္တာဘွဲ့ တွေရေးလို့
online ပေါ်က ပုံအများကလည်း
အမေ့ မေတ္တာကို တင်စားကြတယ်
အားနာလိုက်တာ အဖေရယ်...............။

အမေ သားကို နို့ချို တိုက်ကျွေးသလို
အဖေက ပုခုံးပေါ် ထမ်းပိုးပေးခဲ့တာ
အမေ သားကို ထမင်းကျွေးဖို့အတွက်
အဖေက ဆန်အိုးထဲ ဆန်ဖြည့်ပေးခဲ့တာ
အမေ သားကို ကျောင်းပို့ပေးခဲ့သလို
အဖေက ပညာသင်ဖို့ ငွေရှာပေးခဲ့တာ
ဒါပေမယ့်...
အဖေ့ မေတ္တာတရားကို ဖော်ကျူးကြတာ
ရှားပါးတယ်....
သနားလိုက်တာ အဖေရယ်...................။

အဖေက အရက်သမား တစ်ယောက်လား
သား သမီး အတွက်ဆို
ဘဝကို စတေး ထားတယ်................။

အဖေက နောက် အိမ်ထောင်နဲ့လား
ဒါပေမယ့်....
သား..သမီး အတွက်ဆို အလေးထားတယ်..............။

သား... သမီး ဆိုတဲ့အတွေး
အိမ်ထောင်တစ်ခုအတွက် စီးပွားရေးနဲ့
မကောင်းမှန်း သိလျက်နဲ့ လုပ်
ထောင်ထဲမှာလည်း ငုတ်တုတ် အဖေတွေက ဒု နဲ့ ဒေး...........။

နေပူပူမှာ ကုန်ထမ်းရင်း
လမ်းကြို လမ်းကြား ဆိုက်ကားနင်းနေရတဲ့ အဖေတွေ
ကြည့်တတ်ကြပါလေ....။
သူများနိုင်ငံမှာ ကျွန်သဘောထား
ရွယ်တူ(သို့) ငယ်သူက ခိုင်းစားခံနေရတဲ့ အဖေတွေ
မြင်တတ်ကြပါစေ......။

နေပူမရှောင် မိုးရွာမရှောင်မှာ
စီးပွားကို ရှာနေကြတဲ့ အဖေ့ရဲ့ ကျောပြင်ကို
ကတ္တရာလမ်း ခပ်မဲမဲ တွေကတောင်
ဟားတိုက်လို့ လှောင်ရီနေကြပေါ့
မိသားစု ကောင်းစားဖို့ အရေး
အဖေ့ကို လောဘတွေ ကြီးတတ်အောင်
ဘယ်သူတွေ သင်ပေးခဲ့သလဲ
တွေးတတ်ကြပါစေ
(သား..သမီးတွေပဲ အဖေ )...............။

အဖေက စေတနာနဲ့ ရိုက်တဲ့ ဒုတ်တစ်ချက်
သား ကိုယ်ပေါ်မှာ သွေးထွက်ခဲ့သလား
အမေက ပြေးဖက်ထားလည်း
အဖေက မျက်နှာလွှဲ ဘေးထွက်သွားတယ်

ဒါပေမယ့်...
ရင်ထဲမှာ အသဲခိုက်အောင်တော့ အဖေ နာခဲ့မှာပါ...............။
ဆန္ဒ အသွေးအသား အတွက်
အဖေတွေ ဖောက်ပြားသတဲ့လို့ ပြောကြရင်
ဆန္ဒ အသွေးအသားအတွက်
မိုက်မှားခဲ့တဲ့
အမေတွေကလည်း တပုံတပင်..............။

အဖေဟာ အဖေပဲ
အမေဟာ အမေပဲ
အဖေ့ နေရာ ရောက်မှ
အဖေ့ မေတ္တာကို ကိုယ်ချင်းစာတတ် ကြမှာလား....?

"တွေး"  ကြပါ အဖေ့အကြောင်း
"ဆို" ကြပါ အဖေ့အကြောင်း
"ရေး" ကြပါ အဖေ့အကြောင်း
အဖေ့ အချစ်နဲ့
ငါတို့လည်း လူဖြစ်ခဲ့ကြတာပါ သူငယ်ချင်း
တစ်ဖက်သတ် ဆန်တဲ့
အမေ့ရဲ့ မေတ္တာဘွဲ့ တွေကို တွေ့နေသမျှ
အဖေ့ကို သနားတတ်ကြမယ် ဆိုရင်ပေါ့................။

ညီညီ(မြန်အောင်) 

အရမ်းကြိုက်လို့ ပြန်ရှယ်ထားတာပါ။ မူရင်းပို့စ်တင်သူ ကိုညီညီ(မြန်အောင်)နဲ့ လာရောက်ဖတ်ရှုသူ သူငယ်ချင်းများကို ကျေးဇူးအထူး တင်ရှိပါတယ်။

ရဲရင့်ကိုကို

                                                                ရဲရင့်ကိုကို