"ကမ္ဘာကြီးက လေးထောင့်ကြီးဆိုရင်သိပ်ကောင်းမှာ
ကျုပ်မိန်းမကို ကမ္ဘာ့အစွန်ခေါ်သွားပြီး ကန်ချပစ်လိုက်မယ်.."
မြတ်မောင်
"၀ုန်း"
"ဟေဟေ့..ဘယ်ရမလဲ.."
"ကဲဟယ်.."
"ခလွမ်း.."
"ထိအောင်ပစ်စမ်းပါ..
လုပ်လိုက်စမ်းပါ.."
"ကဲဟာ… ခလွမ်း…
ဝုန်း.."
"ပစ်လိုက်စမ်းပါ..
လုပ်လိုက်စမ်းပါ.. ဟေဟေ့.."
ကျုပ်တို့လင်မယားရန်ဖြစ်နေတာပါ။ အိမ်နီးခြင်းတွေကလည်း
မထူးဆန်းတော့လို့ ဘယ်သူမှလာမဆွဲ တော့ပါဘူး။ အိုဘားမားတောင် အီရတ်ကအမေရိကန်စစ်သားတွေကို
ပြန်ခေါ်သွားပြီ။ ကျုပ်တို့လင်မယားရဲ့ အိမ်တွင်းစစ်က အခုထိမပြေငြိမ်းသေးဘူး။
ခုကြည့်…
သူကတွေ့တာနဲ့ကောက်ပေါက်တယ်။
ကျုပ်ကလည်းဗျာ.. ခံရတာများနေတော့ တဖြည်းဖြည်း နပ်လာတယ်ဗျ။ သူပစ်လိုက်တဲ့ ပန်းကန်၊ သနပ်ခါးတုန်း
အိုဗျာ…တံမြက်စည်းပါမကျန် ကျုပ်က ဘယ်ကိုယိမ်းလိုက်၊ ညာကိုတိမ်းလိုက်နဲ့ ရှောင်တတ်လာပြီဗျ။
ခုနေစစ်တိုက်ရရင်တော့ ကျည်ဆံကိုတောင်ရှောင်နိုင်မယ်ထင်တယ်။ ခုန်ဆွ .. ခုန်ဆွနဲ့ ပျော်ဖို့တောင်ကောင်းသေးတော့..။
"ထိအောင်ပစ်လိုက်စမ်းပါ..
စိန်ပလိန်တိမ်ဂွိမ်.."
"နင်သိပ်တော်နေတယ်ပေါ့လေ..
ဒီတစ်ခါ ရှောင်နိုင်ရင်ရှောင်တော့ ..ပစ္စည်းမလာဘူး.. လူကိုယ်တိုင်လာပြီဟေ့.. ကျားး…."
"အောင်မယ်လေး…
ကယ်ကြပါဦးဗျ.."
"ရှောင်ဦးလေ
မျောက်ဝင်စားရဲ့.. ကဲဟယ်..ကဲဟယ်.."
"ကယ်ကြပါဦး အရပ်ကတို့ရဲ့..
အဲ့…အဲ့.."
×××××××××××××××××××××
သတ်ကြပုတ်ကြအခြေအနေအထိရောက်လာတော့လည်း
အိမ်နီးချင်းတွေက မနေသာတော့ဘဲ လာရောက်ဖြန်ဖြေကြပါတယ်။
ရန်ဖြစ်ရတဲ့အကြောင်းရင်းကလည်းဗျာ..
မနက်ကကျုပ် လက်ဖက်ရည်ဆိုင်သွားတယ်..။ ကျုပ်ကလည်းလေကြောရှည်တတ်တဲ့ကောင်ဆိုတော့ ဆိုင်မှာသူငယ်ချင်းတွေနဲ့တွေ့တာနဲ့
ကြာနေမိတယ်။ အဲဒီမှာ သူလိုက်လာပါလေရော..။ သူဝင်လာတာကျုပ်မြင်တယ်ခင်ဗျ။ သူကသာကျုပ်ကိုမမြင်တာ။
ရှုးရှုးရှဲရှဲနဲ့ ဟိုကြည့်ဒီကြည့်လုပ်ပြီး ပြန်ထွက်သွားတယ်။ ကျုပ်ကလည်း ဘာမှန်းမသိတော့
စကားဆက်ပြောနေပြီး တော်တော်ကြာမှ အိမ်ပြန်လာလိုက်တာ။ အဲဒီမှာ ပြသနာတက်တော့တာပဲ..။
''အော်.. ပြန်လာပြီပေါ့လေ..ပြောစမ်း..
ဘယ်မယားငယ်နဲ့သွားတွေ့နေတာလဲ.."
"ဟ… ငါအခုမှ လက်ဖက်ရည်ဆိုင်ကပြန်လာတာ..ဘယ်ကမယားငယ်နဲ့သွားတွေ့ရမှာလဲ.."
"အောင်မယ်..ညာချင်တယ်ပေါ့..
ငါလက်ဖက်ရည်ဆိုင်ထဲကို လာရှာသေးတယ်.. နင့်ကိုမတွေ့ဘူး.."
"ဒါတော့ဘယ်သိမလဲကွ..
မင်းအာရုံက ဘယ်လင်ငယ်ဆီရောက်နေသလဲမှ မသိတာ..။ မင်းကို ငါတွေ့သားပဲ.."
"ငါ့ကိုတွေ့ရင် နင်ခေါ်မှာပေါ့..
လာမဖြီးနဲ့..နင်ဟိုကောင်မဆိုင်ကယ်နောက်လိုက်သွားတာ ငါတွေ့လိုက်တယ်.."
"ဘယ်ကောင်မဆိုင်ကယ်လဲဟ..."
"ဟိုကောင်မလေ.. အသားညိုညို
အရပ်ရှည်ရှည်နဲ့ ကုလားဆင်မလေ…"
"ခက်တာပဲကွာ.. ငါ့ဘော်ဒါတွေနဲ့စကားပြောနေတာကွ..
ဘယ်ကုလားမဆိုင်ကယ်နောက်မှလည်းမလိုက်ဘူး.. ဘယ်မယားငယ်မှလည်းမရှိဘူး.. ရရင်တောင်လိုချင်သေးတယ်..
ဟင်း…"
"ဘာ.. နင်က မယားငယ်ထားချင်တယ်ပေါ့လေ..
ကဲဟာ"
×××××××××××××××××××
ကျုပ်မိန်းမနာမည်က သိမ်မွေ့ယဉ်…နာမည်နဲ့လူနဲ့မလိုက်အောင်ကို
စိတ်ကြမ်းလူကြမ်းဗျာ… ထစ်ခနဲဆိုလက်ကပါလာပြီ..။ ပြန်လုပ်ရအောင်လည်း ကျုပ်က ဗေလုဝဗလ..။
ဒင်းက ကြူကြူသင်းဗလလောက်ရှိတယ်ဗျ။ သမီးရည်းစားဘ၀တုန်းကတော့ သိမ်သိမ်မွေ့မွေ့လေးပါဗျာ..။
ညားပြီးတော့မှ ဒင်းအကြောင်းကိုသိရတာ။ ကျုပ်ကလည်းကျုပ်ပဲ… သေချာမလေ့လာမစူးစမ်းဘဲ ယူမိတာကိုး..။
အဲဒီတုန်းက ငါ့ကိုယူမယ့်မိန်းမ ကမ္ဘာပေါ်မှာရှိသေးတယ်ကွဆိုပြီး ပျော်လို့မဆုံး တပြုံးပြုံးပေါ့…
ခုတော့ဗျာ..
ခုတော့မှ ဒင်းအကြောင်းကျုပ်သိတာဗျ…
ညားတာမှ တစ်နှစ်မပြည့်သေးဘူး.. ကျုပ်အကုန်သိပြီဗျာ..။ ကျုပ်မိန်းမက အရမ်းသ၀န်တိုစိတ်ကြီးတာဗျ..။
ညားကာစက ကျုပ်ပုသိမ်မှာ ခိုးကူးခွေလေးတွေ လျှောက်ရောင်းဖူးတယ်..။ တစ်နေ့တစ်သောင်းလောက်
ကျန်တယ်ဗျ..။ လင့်ဝတ္တရားနဲ့အညီ ရသမျှ သူ့ကို အကုန်အပ်တယ်..။ လင်မယားနှစ်ယောက်စားသောက်တာ
ဘာကုန်မှာလဲ..။ အလွန်ဆုံးကုန် တစ်နေ့ငါးထောင်ပေါ့…။ ငါးထောင်လောက်တော့ စုမိတာပဲ..။
ကျုပ်လည်း တစ်လလောက်လုပ်ပြီး ဆက်မလုပ် ချင်တော့တာနဲ့ နားလိုက်တယ်..။ ကျုပ်ထင်တာက ကျုပ်မိန်းမ
ပိုက်ဆံတွေ စုထားမယ်ပေါ့..။ တစ်နေ့ငါးထောင် တစ်လ တစ်သိန်းခွဲ..။
ဘယ်ဟုတ်လိမ့်မလဲဗျာ.. သူကဆိုင်ကယ်ကယ်ရီငှားပြီး
ကျုပ်နောက်ကို နေ့တိုင်းနောက်ယောင်ခံ လိုက်နေတာဆိုပဲ..။ ကျုပ်ဘယ်ကောင်မလေးနဲ့ကျိတ်ပုန်းခုတ်နေသလဲပေါ့။
တစ်လလုံးလုပ်ထားသမျှ တစ်ပြားမှ မကျန်တဲ့အပြင် ကျုပ်ပေးတဲ့ပိုက်ဆံတောင်မလောက်လို့ သူ့အ၀တ်အစားတွေနဲ့
ကျုပ်အ၀တ်အစားတစ်ချို့တစ်ဝက်တောင် အပေါင်ဆိုင်ရောက်ကုန်ပြီ..။ ကျုပ်ဗျာ.. ဒေါသထွက်လိုက်တာအရမ်း
ပဲ..။ မပြောရဲလို့သာ ငြိမ်နေရတာ.. စိတ်ထဲမှာ ဒင်းကိုအမှုန့်ကို ကြိတ်ပစ်ချင်နေတာ..။
"၀ုန်း.."
"အောင်မယ်လေးဗျ.."
"မလန့်ပါနဲ့မောင်ရယ်..
ကြက်ပူထိုးပေးမလို့ပါ.. ဟင်း ဟင်း.."
အောင်မယ် မောင်တွေဘာတွေ
ပြန်ဖြစ်သွားပါလား..(ကျုပ်မိန်းမက စိတ်ကောင်းဝင်နေရင် "မောင်"လို့ကျုပ်ကို
ခေါ်တတ်တယ်ဗျ..)။ ခုနက "၀ုန်း" ဆိုတာ ရေနွေးဇလုံကို ကျုပ်ရှေ့ချလိုက်တာပါ..
အရမ်းသိမ်မွေ့တာပဲ..။
မောင်.. သိပ်နာသွားလားဟင်..
ငါ့ယောက်ျားသနားပါတယ်.. အုံဖွ.. အုံဖွ..
အမယ်.. ဒီလိုကျတော့မဆိုး..
သူ့လက်ချက်နဲ့ဖူးယောင်နေတဲ့ကျုပ်နဖူးကို ကြက်ပူထိုးပေးတယ်ခင်ဗျ…။
"နာပါဘူးမိန်းမရယ်..
မိန်းမက ချစ်လို့ကျီစားတာပဲ. ဟာပဲ..ဟာပဲ.."
"ဒါမှ ငါ့ယောက်ျား…
မိန်းမကို စိတ်မဆိုးနဲ့တော့နော်…"
"ဆိုးပါဘူး မိန်းမရယ်..
လင်နဲ့မယားဆိုတာ လျှာနဲ့သွားလိုပဲလေ.. အခိုက်အတန့်တော့ ကိုက်.. အဲလေ.. ဖြစ်တတ်တာပဲ..ဒါကို
လိုက်စိတ်ဆိုးနေလို့ ဘယ်ဖြစ်မလဲ..နော့"
"အင်းပါ.. ဒါကြောင့်မောင့်ကိုချစ်နေရတာ..
မောင်ကလေ.. ငါးဖယ်လိုပဲသိလား.. ထုလေ ရိုက်လေ.. ကုန်းကုန်း တက်လာလေပဲ.. ဟင်း.. ဟင်း.."
အောင်မယ်လေးဗျာ.. ကျုပ်ပဲ ငါးဖယ်လိုကောင်တဲ့..
ထုလေရိုက်လေ.. ကုန်းကုန်းတက်လာလေတဲ့.. တောက်.. ဒီမိန်းမတော့…။
"ဟီး..ဟီး.. မောင်ကမိန်းမကိုချစ်တာကိုး..
မိန်းမလုပ်သမျှခံရမှာပေါ့.. မောင်ပြန်မလုပ်ဘူးလေ.. ဘာကြောင့်လဲဆိုတော့ ကိုယ်ချစ်လို့ယူထားတဲ့မိန်းမပဲ..
ဘယ်အသားနာစေချင်ပါ့မလဲ.. နော့… နာမယ့်နာ ဟောဒီကောင်ကြီးပဲအနာခံမှာပေါ့.. မိန်းမရဲ့
ဟဲဟဲ.."
"ဟုတ်ပါပြီမောင်ရဲ့..
အခုသက်သာရဲ့လားဟင်…"
"အို… သက်သာတာပေါ့..
ယူပစ်လိုက်သလိုပဲ..ဟဲဟဲ"
"ဒါနဲ့မောင်ခုနက
အရှောင်အတိမ်း ဂျက်ကီဂျိန်းလုပ်လိုက်တာ ဗိုက်ထဲချောင်သွားပြီ.. မောင့်ကိုထမင်းခူးကျွေးပါလား…"
"ခူးကျွေးမယ်..
ခူးကျွေးမယ်.. ငါ့ယောက်ျားစားမယ်ဆို ခူးပေးမယ်…"
ပြောရင်းဆိုရင်း ထထွက်သွားတယ်..
ဟင်းဟင်း.. ဒီမိန်းမ အခွင့်သာတုန်းခိုင်းထားမှ. .။ မြတ်မောင်ဆိုတဲ့ကောင်ကို လျှော့မတွက်နဲ့..
ဟင်းဟင်း…။
ခဏနေတော့ မီးဖိုချောင်ထဲက လက်ဗလာနဲ့ပြန်ထွက်လာတယ်..။
"မောင်ရေ.. ပန်းကန်းတွေတစ်ချပ်မှမရှိတော့ဘူး…လုပ်ပါဦး..
သူခိုးအခိုးခံလိုက်ရပြီနဲ့ တူတယ်.."
"ဘယ်ကသူခိုးခိုးရမှာလဲ..
အကုန်လုံးအမှိုက်ပုံးထဲမှာ…"
"မောင်ကလည်း စားပြီးရင်
ဆေးရမယ့်နေရာထားပါလား.. ဘာလို့အမှိုက်ပုံးထဲ လွှင့်ပစ်လိုက်ရတာလဲ.. နှမြောစရာ.."
"ဘာတွေပြောနေတာလဲ..
မင်းခွဲပစ်လိုက်လို့ တစ်ခုမှ အကောင်းမရှိတဲ့ဟာ.. ငါက အမှိုက်ပုံးထဲမထည့်လို့ မင်းအမေအိမ်
ပို့လိုက်ရမှာလား…"
"ဟုတ်လား.. ခုနက
ထူပူနေတော့ သတိမထားမိဘူး.. ဒုက္ခပဲ..ထမင်းစားဖို့တောင် ပန်းကန်မရှိတော့ဘူး.."
"ရှိတာနဲ့သာ ထည့်ခဲ့ကွာ…"
"ဒါဆို .. ငါးပိရည်ကျိုတဲ့မြေအိုးလေးရှိတယ်..
အဲဒါနဲ့စားမလား…"
"မိန်းမသဘော..မိန်းမသဘော…"
ခဏနေတော့ ထမင်းခူးပြီး ပြန်ထွက်လာတယ်..
ငါးပိရည်ကျိုတဲ့အိုးလေးနဲ့..။
"မိန်းမခွံ့ကျွေးမယ်နော်…စားမယ်မလား.."
အဟား..တယ်ဟုတ်ပါလား…။
"အင်း… စားမယ်.."
ဒီလိုကျတော့လည်း မိန်းမယူရတာ ပျော်ဖို့ကောင်းတယ်ဗျာ..ပေါ့ကျတစ်ခွက်လိုပါပဲ..
တစ်ကိုယ်လုံးကိုပေါ့ပါးသွားစေတယ်.. ကျရင်လည်း ခွေးကျ ၀က်ကျ..။
"စားကောင်းလား..မောင်.."
"အင်း..ကောင်းတယ်.."
"မောင့်ကိုလေ..
မိန်းမက အရမ်းချစ်လို့ပါ မောင်ရယ်.. အဲဒါကြောင့်သ၀န်တွေတိုပြီး ဒီလိုပြသနာတွေဖြစ်ရတာပါ..
မောင့်ကိုလေ.. အရမ်းသနားတာပဲ.. အဟင့်..အဟင့်.."
အဲဗျာ.. မျက်ရည်တွေဘာတွေကျလို့ပါလား..
ဘာမျက်ရည်မြေမကျကောင်း ဆိုလဲ…။
"မောင်ရော.. မိန်းမကိုချစ်လားဟင်.."
"ချစ်တာပေါ့မိန်းမရာ..
ချစ်တာမှ ငုံထားမတတ်ကိုချစ်တာ.. အခုတောင် ထမင်းစားနေလို့.. ဟင်းဟင်း"
"သွား.. လူဆိုး"
လက်သီးဆုပ်နဲ့ နဖူးကိုကျီစယ်ကာထုတယ်..။
"အား.. နာတယ်မိန်းမရဲ့…."
"အာ ..မေ့လို့
မေ့လို့.. ကန်တော့နော်.. ချစ်လို့စတာ..အဟင်း.."
"ရပါတယ်.. မိန်းမရယ်..
မောင်ကလေ တစ်သက်မှာတစ်ကြိမ်တည်းပွင့်တဲ့မေတ္တာပန်းနဲ့ မိန်းမကို ချစ်ခဲ့မိတာပါ..။ မောင့်ရဲ့
မေတ္တာကိုလက်ခံယုံကြည်ပေးတဲ့မိန်းမအတွက်လည်း မောင်ကလိုအပ်ရင် အသည်းနှလုံးကိုတောင် ထုတ်ပြရဲတယ်ဆိုတာ
မိန်းမယုံတယ်နော်…"
ရွှန်းလဲ့မျက်ဝန်းများနဲ့ ခေါင်းညိတ်တယ်..။
"စိတ်ချပါမိန်းမရယ်..
မောင်လေ..မိန်းမအနားမှာပဲနေပါတော့မယ်.. နောက်ဆိုရင်လေ.. မိန်းမမကြိုက်တာ မလုပ်တော့ဘူးနော်..
လက်ဖက်ရည်ဆိုင်လဲမထိုင်တော့ဘူး..ဘီယာဆိုင်လည်း မထိုင်တော့ဘူး… တီဗွီဂိမ်းလည်းမဆော့တော့ဘူး..
ကိုရီးယားကားလည်း မကြည့်တော့ဘူး… မယားငယ်လည်း မထားတော့ဘူး…ဘူး…"
"ဘာ……….."
ဟာ..သွားပြီ။ စကားမှားသွားပြီ.. ဘူးတွေထပ်ပြီး
"ဘူး" တွေထပ်ပြီး စကားတွေရောကုန်ပြီ.. သေပြီ..အချစ်ရည်ရွှန်းတဲ့ မျက်ဝန်းတွေ
မီးဝင်းဝင်းတောက် ကုန်ပါရောလား….။
"မယားငယ်မထားတော့ဘူးဆိုတော့
အရင်ကထားတယ်ပေါ့လေ.. ဟင်း.. စကားကဇာတိပြ.. နန့်ကြောဆွဲကြီး.. ကဲဟယ်…"
"ခလွမ်း…"
"အောင်မယ်လေး..
ကွဲပါပြီဗျ…နဖူး."
လက်ထဲကမြေအိုးနဲ့ ကောက်ထုလိုက်တာဗျာ..
မြန်လိုက်တဲ့လက်.. ရုတ်တရက်မို့ကျုပ်ရှောင်ချိန်မရလိုက်ဘူး..။ ယောင်နေတဲ့နဖူးတစ်ခါကွဲပြန်ပေါ့..။
အောင်မယ်လေးမြတ်မောင်ရေ.. ကိုယ့်မိန်းမကိုယ် လေကြောရှည်ချင်တဲ့ ကောင်.. ခုခံရပြန်ပြီပေါ့..
အသံကြောင့်သေတဲ့ဖားကြီး.. သေလိုက်.. သေလိုက်ပေတော့ဟေ့….။
ရဲရင့်ကိုကို
လာရောက်ဖတ်ရှုသူ သူငယ်ချင်းများကို ကျေးဇူးတင်ပါတယ်နော်....
No comments:
Post a Comment